بسم الله الرحمن الرحيم

موضوعى اليوم محيرنى من زمان وطرحتة من جوانب مختلفه قبل كده لكن جانب المره دى اكيد محير كتير

دلوقتى بما اننا ناس على قدنا معندناش العلم الى يمكن من الالمام بعلوم التفسير والفقه

وطلعتلنا 30 جماعه بتفسيرات مختلفه واراء متعدده وكلهم من وجهة نظرهم انهم صح ده كويس

لا مش بس كده عندك منهم ناس بتقول على جماعات انها غلط وما علينا بموضوع التكفير مش موضوعنا

لكن موضوعنا بما ان مش كلنا علماء فى الدين نتبع مين بقى علشان نمشى على السراط

اتبع السلفيين الاخوان الصوفيين الجماعه الاسلاميه ولا ولا ولا

كل دول على العين والراس لكن مين فيهم الصح حد يعرف ولا كل واحد يختار جماعه تناسب فكره ويمشى معاها

طيب مده انحراف عن مسار الاسلام الى هوه طريق واحد مش طرق متعدده

فى راى الى هوه الصح طبعا بيقلك نتبع القران والسنه تمام لكن مش كل الناس بتفهم القران والسنه صح لذلك

كلنا بنلجا للتفسير من اجل توضيح الامور لكن نقرا تفسير مين حد يعرف كاتب محدد يقلى عليه

المشكله مش فى المفسر لكن هل فيه مفسرين مجمع عليهم ان تفسيرهم صح اذا كان

دلوقتى جتلنا ناس بتشكك فى صحيح البخارى

الى بقاله مئات السنيين جايلنا فى 2011 يشككو فيه

وانا بفكر فى كل ده موصلتش الا لنتيجه وحده اصلى واصوم واعمل الفروض زى ما انا درستها فى المدرسه وربنا يرحمنا

واكيد هيراعا التوهان الى احنا فيه وندخل الجنه

المشكله انى كل ما ادور عن الحقيه اتوه اكتر واخر كتاب قريته كان رسالة ابن تيميه الصوفيه

والفقراء هنا ملقتش تكفير للصوفيه ولا وصفهم بالزندقه زى مبيوصفو دلوقتى

تهت اكتر بقى مبقتش عارف اصدق ده ولا بتوع اول امبارح الى طالعنلنا دول

انتو ايه رئيكو نتبع مين

نفضل زى محنا فى الضلمه كده ولا نعمل ايه

بجد قربت اتجنن من التفكير ومش عارف نعمل ايه

فى النهايه ربنا يرحمنا ويدلنا على الطريق الصحيح






منقول