من الاذكى من وجهة نظرك !!!!!!!!!!! ؟

**فريد** · 19-04-2010, 12:49 PM

السلام عليكم
مش هاطول عليكم..............
بصراحة السؤال خطر ببالى بقالوا يومين مش راضى يخرج من دماغى
قلت اوجع عقولكم معايه و لا ايه ؟
الموضوع ببساطة جدا من الاذكى من وجهة نظرك

اللص .......... الذى استطاع بمفرده السرقة و التخطيط لها .
ام ...................
الظابط ......... الذى استطاع مع مليون جهة
و اجهزة حواسب متطورة و مخبرين و أشياء اخرى كثيرة ان يمسك به.

**محمود التهامي** · 19-04-2010, 01:04 PM

انا اخترت الصدفة
لان اغلب الجرائم التي يتم ضبطها
خاصة في مصر
بتكون حاجه من تلاته

صدفة زي الاشتباه مثلا او كمين او دورية راكبة

او

وقد وردت معلومات
يعني بلاغ

او

الهوجة بتاعة تقفيل البلاغات بتاعة كل سنة
اللي بيقبضو فيها على اي حد يقابلوه عاطل في باطل

أما بقا ذكاء الضابط او غباء المجرم
فدي حاجه بقت قديمة وشغل سيما من بتاع جيمس بوند وكولومبو اللي بقا كرومبو دلوقتي
الذكي دلوقتي هو المحامي اللي بيعرف يخنق على الضابط ويطلع المتهم براءة
ويلهف من المتهم جزء من غنيمته اللي جناها من سرقة او مخدرات او بلطجة

موضوع بسيط لكن قوي جدا
احييك عليه

**فريد** · 19-04-2010, 01:44 PM

شكرا ياباشا على الرد
انا اتفق معك تماما فى موضوع الصدفة
اعتقد ان اغلب الجرائم تنتهى بالصدفة
و الامثلة مااكثرها من امثلة
اشكرك على ردك يادكتارة
على فكرة لحسن حد يفهم انك دكتور طبيب يعنى
لا دى معناها ديكتاتور

**morecolour77** · 09-05-2010, 10:14 AM

اللص عادة أذكي الجميع بفطرته و بتجاربه و احتكاكه العنيف بالمجتمع
أما الضابط فهو موظف بالوساطة كما هو معلوم للجميع لذلك نجد أن أداء جهاز الشرطة في منتهى الضعف في مواجهة الجرائم و تجده في منتهى العنف في مواجهة الشعب