انت يابتاع بيطرى


طبعا العنوان استفزك فدخلت
تشوف ايه الحكايه


فى الحقيقه هو مش مستفز ليك انت
هو فيه طلب صغير جوا الموضوع دا


احنا كتير كطلبه او دكاتره بيطريين بنتعرض ان الناس تتريق علينا وعلى مهنتنا
على الرغم انها افضل من كليات كتيييييييييير والمهنه فى حد ذاتها متميزه جدا جدا جدا جدا

مش هسرح فى جمال وحلاه المهنه دلوقتى
المهم يعنى
اننا كلنا بلا استثناء بنتعرض للمواقف دى
زى مامره حد قال ان السباك بيسأله انت فى كليه ايه
الولد رد: فى طب بيطرى
السباك: يالاا اهى كليه وخلاص باين او احسن من مفيش

او تيجى رايحه لمدرس الثانوى او تقابلى واحده صاحبتك وانت لسه داخله اولى كليه يسألك او تسألك دخلت ايه
تردى بكل استحياء: بيطرى

الرد:اخص


بردو مش هلك كتير فى النقطه دى اكيد كلنا بنحس بنظره الناس لينا فى السنوات الاولى كطالب طب بيطرى

طب بيطرى عندهم : كليه هم وغم وفلاحين وقرف وبهايم وحميروملكش مستقبل وهتقعد جمب الحيط

طب بيطرى عندنا : مستقبل جميل وفرص شغل متاحه ومتنوعه زى شغل فى معامل تحاليل او فتح عياده بيت انيمل او الرقابه على الاغذيه او فتح صيدليه بيطريه او شغل فى مزارع لارج او دواجن او ارانب او ...او...او...._ اللى مش عاوز يشتغل يبقا هو او هى اللى بتستهبل او بيستهبل _


بردو مش هقعد اوصف فى جمال وحلاوه ومستقبل الطب البيطرى
اكيد اللى فى السنوات الاخيره حاسين اكتر باهميه الكليه وانها افضل من كليات قمه كتير_ انا اقصد الكليه بعد التخرج ومستقبلها ....مش اقصد اللى بنشوفه فى الدراسه داخل الكليه_


دا كان رقم واحد واتنين اللى هم اللى بنعانيه من نظره الناس لينا
ومستقبل الكليه

الطلب دلوقتى:: نحاول نحسس الناس بقيمتنا....متحسسش حد انك فى كليه مستقبلها وحش بانك تتاثر بكلام اى حد
ثق انك فى كليه مستقبلها كويس جدا
حكايه كليه يع واخص واتفو ...الكلام دا كله كان زماااااااااااااااان ايام مامكنش فيه اصلا دوا للكوليرا للبنى ادمين .....انتشرت الفكره ولازالت متعلقه فى ادمغه المصريين

دلوقتى قول بقلب جامد انا طالب بيطرى
انا دكتور بيطرى


حسس اللى قدامك بقوتك هتتنقل ليه وهيحس بيك

هتحسسه انك ضعيف....ضعفك هيتنقل ليه ويحس بالضعف دا

متجيش تقول لحد انا دكتور بيطرى ....بس والله دى حلوه وفله وطعمها جميل ومستقبلها حلو
متحاولش تقنعه انها كويسه

قوله بس انا دكتور بيطرى واسكت

بدأ يرخم قوله دخلت امرأة النار فى هره....ودخلت زانيه الجنه لسقايه كلب



بس خلاص
دا كان الطلب
اعتز بمهنتك وانقل للى حواليك الاحساس دا

منقول لعيونكم






منقول