ازيكم أخباركم أحوالكم؟
من زمان ماعملتش موضوع في الركن الجميل ده

في حاجة كدا لفتت نظري
ليه البنت بتبقى متخشبة و هي ماشية في الشارع ؟unch:
هتقولي متخشبة ازاي؟

هقولك يعني مثلا انت كراجل و عادي ماشي في الشارع لواحدك رايح مشوارك ,,بتحس انك ماشي بشكل طبيعي ,,يعني بتبص يمين و شمال عالأرض شوية جنبك شوية تبص عالمحل, تسلك ودانك , تبص عالعمارة فوق تشوف الولية الي بتنشر و بتسقط عليك مايه ,,تلاقي بلاعة الغطا بتاعها بيتهز تقوم تنط فوقها شوية و انت معدي,,تحس انك متفاعل مع البيئة و طبيعي

أما البنت فتحس انها متخشبة كدا و ماشية زي القطر ,,لا يمين و لا شمال,,عامله زي الحصان كدا بيركبوله حاجه جنب عينه عشان مافيش حاجه تخايله جنبه و يشوف أدامه ,,بس من غير كرباك و خشاخيش , و تلاقيها فرسة ماشية

أعتقد ان دا بسبب انها بتفكر ان الشارع كلو بيتفرج عليها و كأنها مراقبة و بتتصور
فدا بيولد فيها خجل بيخلي حركتها في الشارع محسوبة و متخشبة

لدرجة انها مش بتعرف تعدي الشارع و بتاكل بقى شتايم من سواق التاكسي الي ما بيصدق يلاقي واحده بتعدي الشارع عشان يزمر و يشتمها أو اقل حاجه هيطلع راسه من الشباك و هيقولها : عدي يا ماما:ranting::ranting::ranting::ranting::ranting:
مش عارف أنا التار الي بينا و بين سواقين التاكسي

في مقابل دا ,,لما تتنقب بقى ,,او خلينا نقول كتير من المنقبات أو بعضهم بتلاقي العكس
عينيها بتبقى عامله زي الرادار ,, تلاقيها بتروح يمين و شمال unch:و بتتحرك بسرعة و بتبص على كل حاجة
ماهي بقى متخفية مش مكسوفة من حاجه او من حد يشوفها و هي بتبص:biggrin23::biggrin23::biggrin23::biggrin23:

ما تقولش كانت محرومة من البص:biggrin23::biggrin23::biggrin23::biggrin23::biggr in23:
و أحسن واحده تعدي الشارع ,, تحس كمان انها مركبه عين خفية في ظهرها :biggrin23::Jumpy:

و دا بيأكد على إن عدم البص دا سلوك مفتعل مش أكتر ناتج من الخجل
لأن الطبيعي هو ان الإنسان يبص حواليه عشان يعرف الدنيا فيها ايه:34:


السؤال التاني
,, ليه البنت بتحضن الكتاب و هي رايحه الكلية أو الدرس
يعني الواحد لو مسك دفتر دا لو يعني ...
فلو شيلت دفتر بتلائيك ماسكه بطراطيف صوابعك و مقروف منه بإلي فيه
لكن ايه فكرة اني أحضنه و امشي ,,ما تقولش دبدوب ,,و لا هو الحضن ادمان!!:Jumpy::biggrin23:
و لا يمكن بتتمنظر بقى ,,مااحنا أحسن ناس تتمنظر و تتكلم عن الكلية و الدراسة بفشخره

أو يمكن أنا الي ظني وحش و الدفتر تقيل عليها فبتحضنه تحت نظرية انك لما تسند الحاجه على جسمك وزنها بيقل

طيب السؤال التالت

ليه البنت مش بتتف عالأرض زي الراجل
يعني بنشوف الراجل على طول خخخخخ تفوووو ,,و تلاقي بلغم كبير عالأرض هههههه
و لو راكب ورا سواق ميكروباص ممكن جزء من التفة تيجي عليك و انت فاتح الشباك و الميكروباص ماشي
و لا لعيبة الكورة ,,احسن ناس تتفتف عالأرض ,,متهيقلي لو الواحد اتزحلق على أرض الملعب , إيده هتلبس في تفافتين تلاته:biggrin23::biggrin23:

و لا هو البلغم دا بتاع الرجالة بس:biggrin23: ,,

كفاية أرف بقى الله:ranting:

طبعا البنات هيقولوا يع و بتاع و في الآخر تتجوز راجل بيتف:Jumpy::biggrin23::biggrin23::biggrin23:
أمال كنتي بتقولي يع ليه ؟ و بتتفرجي على ماتشات الكورة ليه؟ خليكي في المصارعه

السؤال الرابع بقى و الأخير

ليه البنات هنا في المنتدى بطلوا يردوا عالولاد و يقولوا مرسي عالمرور يا قمر زي زمان
أول ما سجلت كان كل الرجاله اقمار في عيون بنات القهوه
هل دا له علاقة بفوز الاخوان و السلفيين في الانتخابات هههههههه ؟:biggrin23::biggrin23::biggrin23::biggrin23::bigg rin23::biggrin23::biggrin23:
حاجة غريبة برضو







منقول