بنت واحده لا تكفي ده شعار كل شاب الشاب اللي تعب من كتر اللي بيشوفه في الشارع مافيش احلى من الجينز في التلفيزيون في النت وما ادراك باللي في النت, ما لا انت عارف وفاهم كويس انا قصدي ايه قصدي الشات طبعا


ييجي الشاب وهو ما مصدق يروح لباباه:
- يا بابا يا بابا
- نعم يا حبيبي صدعتني
- انا عايز اتجوز يا بابا
طب خلص دراستك الاول وابقى تعالى كلمني
- يا عم الحج دراسه ايه ده انا فاضلي مش اقل من 3 سنين عالتخرج والله يزيد لمن يشاء
-اصبر وربنا هيكرمك يا ابني مافيش حاجة بالساهل
بس انا عايز اصون نفسي ده المشايخ قالوا كذا وكذا وانت شايف بعينك الحال بقى ازاي
والرسول بيقول " من استطاع الباءة فليتزوج ومن لم يستطع فعلية بالصوم " صوم وربنا يكرمك يا ابني.
وينتهي الحوار وعلامات الصمت والذهول والكبسه تملأ وجهك, لأنك طبعا مش هتصوم ولا هتجرب تصوم اساسا وتصوم ازاي وانت على ميلوتشي تتحدى الملل طول النهار
وفجأة تشتغل اللمبة اللي فوق دماغك دي, ايوة هي دي اللي بنشوفها في الكارتون كتير, وتقول لنفس ماهي البنات على قفا من يشيل في الشوارع, وعالنت وفي كل حتة, انا هكوش على قد ما اقدر مش كفاية هما تاعبيننا والله لاتعبهم هما كمان
وساعتها بقى تبدأ توزع حياتك على البنات في كل حته ويبقالك خريطه كده مع انها ثابته مع كل الشباب المصري بس انت بتحس انك عملت المستحيل وتكون المزز
قصدى البنات .عالخريطة كالآتي:
1- بنت الجيران ودي غالبا بتبقى اول مزة تعرفها , وتقعد تعيش عليها وتشتغل في افلامنات النحنحة والدلع واللذي منه, وتسلم عليها في الطلعة والنزله,وهدايا في الاعياد ومكالمات في التليفون ودروس في الامتحانات... وابو بلاش كتر منه, هي هتلاقي دروس منين ببلاش, وانت طبعا مبسوط, اهي بنت تفوت ولا حد يموت
2- صاحبتي الانتيم دي عادة بتبقى المزة اللي بتقولها على كل اسرارك, ومفهم كل اللي حواليك انها زي اختك تمام , والغريب في كده انك عمرك ما ترضى ان اختك تلبس نفس لبسها ولا تمشي مع واحد زيك بيعتبرها زي اخته , ولا انها تعرف ولاد من اساسه, عارف ليه؟ عشان دي مش اختك, دي والله
3-المصلحة ودي عادة بتبقى المزة الوحيده اللي لا تنطبق عليها صفات المزز, لأنها بتكون الدحيحة في كليتك, او مديرتك في الشغل , أو اي حاجه من هذا المثيل, بتبقى شايف فيها انها كنز لا يفنى من المصالح, وهي بتبقى شايفه فيك الواد الحيلة اللي بيبصلها, وبتبقى عادة عارفه انك بتستغلها وانت مبسوط انها عارفه , بس يا عيني هي لقت غيرك وقالت لأ...وانت طبعا طالع واكل ونازل واكل , محاضرة من هنا على علاوة من هنا , و اهي ماشية و الآشية معدن!
4-النت ويا سلام على بنات النت , مافيش اكتر منهم ,مش بتبقى بنت ولا اتنين, دي لسته كونتاكتس عالماسنجر اسمها لسته المزز, لو اتفرشت عالارض ممكن تجيب اتنين كيلو متر,ما الموضوع بسيط, عالفيس تعمل سيرش على اس اسم بنت, وتعمل آد لكل النتيايج واللي يقبلك اهلا وسهلا , واللي ما يقبلش ... في غيره كتيرعالشات تدخل عالخاص وتمسك كل البنات اللي فيها , وكل واحده تبعتلها هاي, ويا سلام لو غمزت معاك يا معلم وسط ميت بنت ولا حاجه وواحده قالتلك هاي ورحمة الله وبركاته, يبقى يوم المنى, ويا سلام لو قبلت تضيفك, وكل يوم على هذا الحال دون كلل او ملل, وبكده يكون عندك لسته مالهاش حل. واللي تبعتلك صورتها من هنا, واللي تبعتلك فيديو كول, واللي ولا بلاش ندخل في اعراض الناس.واللي ما تبعتش صورتها بدري بدري دليت يا عم الحج بلا صداع خلينا في بتوع الفيديو كول
وبأسلوب أحمد مكي في دور الصعيدي في فيلم " طير انت" أحب اقو
" يلعن النت عالنتيت عاللي عينتتوه "
5-بنات الليل وآخره ما تخلوش دماغكم تروح لبعيد , دول نوع مميز من المزز بيبقى فيهم 3 شروط صوتها حلو عندها خط من بتاع الساعة بجنيه من بعد الساعة واحدهوبتسهر للفجر طبعا عرفتوها مين دي دي مزة الموبايل.
في الآونة الأخيرة صادفتني النوعية دي كتير قوي , الاقي اخويا
اول ما تيجي الساعة واحده بليل, يستأذن ويروح البلكونة او يدخل اودته ويقفل على نفسه , وهاتك يا رغي لغاية آذان الفجر, ويفصل الموبايل مش عشان يصلي, عشان يوصل الموبايل عالشاحن وياخد ريست ويكمل كلام مع المزة للساعة 8, لما يخلص العرض, مش عارف انا بيجيبوا الكلام ده كله منين, ربنا يهدي!
8-حبيبة القلب ودي غالبا المزة اللي بتبقى طالعة عينك عليه ونفسك تاخدها في الحلال, واول ما بتشوفها حتى ولو كنت دايس في كل المزز اللي فوق, تلاقي نفسك عامل زي الهوهو لما تشوف المزة دي ومطلع لسانك وبتلهث وبتريل على نفسك ,وكمان خايف تتكلم كلمة واحده قدامها , وكل ما تروحلها تفتكر أبيات تميم البرغوثي من قصيده " في العالم العربي تعيش" وهو بيقول تقول للبنت حبيتك
وتكون بتحبك
وبتموت فيك
وتضربك بالقلم



وفجأة تفوق وانت ايدك على خدك, وترجع في كلامك, وساعات تبقى بتدعي ربنا ليل ونهار انها اللي تجيلك, يا اخي اتنيل, ناقص هي اللي تخطبك من أهلك كمان, أحب اقولك " الراجل اللي يروح للبنت يقولها بحبك استرجل واشرب بريل
11- مذيعات الفوازير تلاقيهم على مزيكا وعلى ميلوتشي تريكس وكذا قناة تاني اقل شهرة, تلاقي الواحده فيهم بتقول فزورة زي " واحد زائد واحد يساوي كام؟ " وييجي المتصلين يقولوا "اتنين طبعا",, حاول مرة تانية معانا, وهنستقبل مكامة كمان دقيقتين, وخلال الدقيقتين دول ما تشوفش غير بنت بتتمايع قدامك, على شوية اصوات ما تعرفش طالعه منين , وتعمل نفسها بتتمايل على الأغاني اللي في الخلفية.
وطبعا عشان عادة بتكون المذيعه مزة فانت بتستغل الموقف و أول وآخر حاجة تعملها بعد ما تجيب القناة, انك ببساطة بتشغل كاتم الصوت, ومافيش أحسن من راحة البال








منقول