ملخص القاء مع رئيس جهاز 6 اكتوبر -
كان الاجتماع اللذي تقوم بتنظيمه جمعية ابني بيتك أول سبت من كل شهر مع المهندس / محمد نبيه رئيس جهاز 6 اكتوبر لعرض مشاكل المستفيدين من مشروع ابني بيك أكثر من رائع... بدأ الساعة 12:30 في قاعة الاجتماعات الموجودة بالجهاز بوجود مستفيدين ابني بيتك لعرض مشاكلهم و استفساراتهم و المهندس / محمد نبيه ( راجل في منتهى الذوق و متفهم جدا) رئيس جهاز 6 اكتوبر و مهندسين اخرين من الجهاز انا ما اعرفش اسممائهم بس من الواضح ان كل واحد فيهم مسؤل عن حاجة في الجهاز...
في العموم أكد المهندس محمد نبيه على وجود مشاكل في ابني بيتك زي التواجد الامني او المعاينة او خلافه بس المهندس كان متفهم جدا و الناس شكرة المهندس اكتر من مرة على قرارات فعالة جدا و على حلول جذرة للمشاكل اللي الناس قدمتها
انا لخصت الاجتماع ده في التالي:
v المعاينات
· تم زيادة لجان المعاينة
· يمكن للمستفيد اجراء المعاينة في اي وقت في خلال فترة سماح الثلاث مراحل (15 شهر) زي الجدول اللي جاي مع العلم ان الجدول ده مش حاجة رسمية انا بس عملته عشان المعلومة توصل بشكل افضل
المرحلةطريقة المعاينة الاولى (القديمة)طريقة المعاينة الثانيةطريقة المعاينة الثالثةثلاث شهوراستخراج الرخصةاستخراج الرخصةاستخراج الرخصةأربع شهورمعاينة المرحلة الاولىأربع شهورمعاينة المرحلة الثانيةمعاينة المرحلة الاولى و الثانيةأربع شهورمعاينة المرحلة الثالثةمعاينة المرحلة الثالثةمعاينة المراحل كلها
· في معاينة المرحلة الاولى يجب تواجد المستفيد لكن في المرحلة الثانية و الثالثة يقدم المستفيد طلب معاينة و تذهب لجنة المعاينة بدون صاحب الارض لمعاينة الموقع و طبعا المستفيد هيسأل في الجهاز على نتيجة المعاينة
· عند تسليم المرحلة الثالة مش ضروري تكون مركب ابواب او شبابيك او حديد السور و لكن كفاية حلوق الابواب و الشبابيك عشان ماحدش يسرق الحجات دي
· صرف الدعم للمعاينات الجديدة لن يأخد أكثر من 7 أيام
v البناء
· زيادة فترة البناء في حالة تأخير استلام الرخصة و يتم ذلك بتقديم طلب للجهاز
· بالنسبة للاخطاء الموجودة في رسومات الجهاز (الاختلاف بين الانشائي و المعماري) زي نموذج ص2 يتم البناء على اساس الرسومات الانشائية
· الردود هي 1.5 متر من البلكونة و ليست من العمود و للناس اللي بنت من غير ردود و عندهم ردود في الرخصة سيتم بحث حل و هو ازالة البلكونة و لكن لسه مش أكيد
· رفض السماح بسلم الدور الثالث نهائيا و ذللك تفاديا للعشوائيات
v الخدمات
· سيتم توصيل المياه في أقرب وقت ممكن
· ثمن عداد المياه 1750 من قبل المشروع و لكن سيتم منقاشة مع شركة المياه لتقليل هذا المبلغ كما وعد المهندس محمد نبيه
· سوف يتم زيادة الحملات الامنية في جميع مناطق ابني بيتك بالتنسيق مع وزارة الداخلية
· سيتم تمهيد طريق للمنطقة السابعة بدل طريق المقابر
· سوف يتم الانتهاء من رصف الشوارع في شهر 10 او كحد اقصى في يناير 2011 (مش عارف ازاي بس ربنا يوفقهم)
v الارض
· أول قسط للأرض هيكون بعد سنتين و الناس اللي دفعت غرامات تأخير كان بسبب غلطة من البنك بسبب التعامل مع النظام القديم
· الحالة الوحيدة اللي تتسحب فيها الارض هي في حالة ان الارض عدا عليها فترة السماح و ما حدش ابتدا بناء عليها
· الارض ملك للمستفيد و ليست حق انتفاع او اي شئ اخر
لو اي حد عنده استفسار عن الموضوع يقولي و انشاء الله هرد عليه أو اخليها للاجتماع الجاي
رد مع اقتباس
رد: ملخص القاء مع رئيس جهاز 6 اكتوبر -
المفضلات