ليه مش بتمسك ايدى؟؟؟؟؟؟؟؟؟؟

**اميرة حبى انا** · 08-12-2011, 10:02 AM

إنت ليه مش بتمسك إيدى؟؟؟؟؟؟

سؤال لن تجد المرأة له إجابة أبداً

(قبل الخطوبة)

*****************************************

إنت ليه مش بتمسك إيدى و إحنا ماشيين فى الشارع؟

لأ بلاش إفرضى حد من قرايبك شافنا ، و لا حد من أصحاب أخوكى فى الكلية

إن شألله يا حبيبتى بكرة نتخطب و أمسك إيدك قدام الدنيا كلها

(بعد الخطوبة)

*****************************************

إنت ليه مش بتمسك إيدى و إحنا ماشيين فى الشارع؟؟

علشان مش عايز حد يفتكر إننا علشان إنخطبنا حنصيع بقى و نعيش حياتنا

و بعدين بصراحة كده أنا مستحرم...بكرة أمسك إيدك و أنتى مراتى حبيبتى فى الحلال

(بعد الزواج)

*****************************************

إنت ليه مش بتمسك إيدى و إحنا ماشيين فى الشارع؟؟؟

يا حبيبتى إحنا مش مراهقين حنمسك إيد بعض فى الشارع وكده ... إحنا إتنين محترمين

و متجوزين لنا بيت نعمل فيه إللى إحنا عايزينه

(بعد الزواج و الخلفة)

************************************************** **********

إنت ليه مش بتمسك إيدى و إحنا ماشيين فى الشارع؟؟؟؟

يعنى أمسك إيدك ولا أمسك إيد البنت ولا أشيل الأكياس دى كلها!!!!

(بعد مرور25 سنة زواج)

************************************************** *************

إنت ليه مش بتمسك إيدى و إحنا ماشيين فى الشارع؟؟؟؟؟

إيدك إيه بس دلوقت إللى حمسكها...إنتى عايزة جوز بنتك يقول علينا كبرنا و خرفنا!!!!

(بعد مرور50 سنة زواج)

************************************************** **************

إنت ليه مش بتمسك إيدى و إحنا ماشيين فى الشارع؟؟؟؟؟؟

يعنى أمسك إيدك و أسيب العكاز علشان أقع....ما أنا عارف عايزة تموتنى و تخلصى منى علشان تورثينى

**خلود** · 08-12-2011, 10:46 AM

هو هيمسك ايديها اكيد يوم القيامه
علشان يدخلها معاه الناااااااااااااار
امال يسبها تدخل الجنه
هههههههههههههههههههههه

كان الله فى عونها اخر صبرها طلع على الفاضى

**فريد** · 08-12-2011, 04:24 PM

ههههههههههههههههههههههههههه
ظلم ظلم
ده الواحد ايده وجعته من كتر المسك
ههههههههههههههه
دايما ظالمة كده ياساتر عليكم
جيتم على الراجل الوحيد فى مصر الا معلمش كده
و هاتمسوكهلنا ذلة بقى
امال الا بيحصل فى الشارع ده ايه
مش فاهم