بسم الله الرحمن الرحيم
الموضوع بقاله فتره شاغلنى بجد فى ظل التغيرات الى بتحصل ايه مستقبل الاثار المصريه

مع العلم ان فى فئات من الاسلاميين او القوى الاسلاميه بتحرم التماثيل والاثار عامتا

طيب حرام ليه اذا مكنش حد بيجى يعبدها اساسا

وفى طلبات سمعتها بودنى بتدميرها وهما بيسموها اصنام لا اله الا الله

اصنام اذاى وهيه محدش بيعبدها تاريخ اقدم بلد فى العالم عايزين يدمروه

اثار ومعابد لا تقدر بالمليارات بل لا تقدر بمال عايزين ينسفوها

طيب انا معاك ان فى السياحه حاجات كتير حرام زى الخمرا

صالات القمار الكباريهات كل ده غورو فى داهيه

لكن الاثار الى هيه تاريخنا بدل ما احنا ندعو العالم كله انه يشوف

تاريخنا وندعى المسلمين والعرب ياخدو عبره من الى حصل عايزين ننسفه

طيب لو كان الكلام ده صحيح مصير الناس الى شغاله فى الحجات دى ايه

هل دول الغرب هتسيب حد يضر الاثار دى وخصوصا انهم معتبرينها ملك العالم كله مش مصر بس

طيب لو هيه حرام فعلا ايام عمرو ابن العاص مش كانت موجوده

على الاقل الاهرامات وابو الهول والمعابد طيب مسمعناش ولا

قرينا عن اى محاوله لتدميرها

السؤال بقى هل الاثار دى حرام فعلا؟

ماذا ترى مستقبل الاثار والسياحه فى مصر فى ظل الحكم الجديد ؟

مدى الخساره او المكسب من تدمير حضاره زى دى ايه ؟

محدش يتقيد بالاسئله الموضوع متاح للنقاش من اى جانب تراه






منقول