هشوفك تاني اكيد في يوم
جايز صدفه .. او كالعاده في حلمي بعد النوم
هشوفك وهتحسي باللي كان فينا
هتحسي ساعتها بألامي في سكوتي .. وجايز تدمع عنينا
وهتعرفي ان انا عشانك عملت المستحيل
هتشوفي الحب والشوق بان اهو عليا
وهتعرفي انك عملتي عشاني ( القليل )
وهتحسيها في لمسة اديا
عارف ان انا مجنون بكتب اي كلام
عارف ان كل القصايد مش هتنسيني الالام
وكمان عارف انك بعدتي وقولتيلي ( سلام )
بس انا على فكره بشوفك كل يوم في الاحلام
بعتب عليكي ساعات .. وساعات باخدك في حضني
وبشكيلك كتير حاجات .. وعلى طول شايفك جنبي
وكل يوم بصحى وافوق من وهمك
بعد ما بكون قربت اصدق اني جنبك
خدي بالك على نفسك .. وقلبك
وادي قلبك للي يستاهلك .. ويستاهل حبك
سلام يا اجمل حلم بعيش فيه كل يوم
سلام يا اجمل عيون في الكون .. سلام يا اجمل حلم بشوفو في النوم






منقول