صباح الخير بليل

ببساطة ياجماعة انا مليش في السياسة بس انتو فاهمين بقا ايام الثورة بقا لكل واحد عالاقل خلفية
انا بقا هتكلم عن الموضوع واقول وجهة نظر ببساطة بعيدا عن الدستور واي كلام من ده

مممما علينا ندخل بقا في الموضوع



يعني لو البلد مفيهاش مجلس عسكري البلد هتخرب ايوة هتخرب ...؟

الكلام دا سمعته كتير اوي من النوادر اللي بلاقيهم بيقولو نعم للمجلس

مع اننا لو فكرنا ببساطة هنلاقي ان الموضوع لا محتاج سياسة ولا اي بطيخ هو محتاج بس عقل


لما نعمل ثورة علشان نشيل نظام يقوم يمسكنا واحد من النظام :11nk(2):
حد يقدر يقولي احنا نزلنا ليه


لما الناس تموت يناير وترجع تاني تموت كمان في شهر نوفمبر لا والجديد بقا فيه ضرب ف العيون

وخد عندك بقا القنابل المسيلة مبقاش يآثر فيها البيبسي !!

لا وكمان بقت بطلع من كذا جنب مش جنب واحد :11umbup:


لما يكون الفرق بين خطاب المشير و خطاب مبارك ان مبارك بيقرا من ورقة انما المشير واحد ماسكله الورقة علشان يعني نقول ان بيقول الكلام من غير ما يبص

اه اه فيه فرق كمان لسه طازة بتاع النهاردة
علي ايام مبارك الانتخابات كانت بتتزور بعد ما الناس تدلي بصوتها الجديد بقا ان الانتخابات بتتزور حاليا قبل ما تبدء اصلا :shocking:

ما هو بالعقل ياجماعة ياللي خايفين علي البلد

لو الجيش مهتم بحدود مصر و بس و اتعين ريس لحد الانتخابات يبقة كده البلد خربت !!!


انا عايز بقا كل اللي بيقول نعم للمجلس يقعد يفكر كده هما اللي في الميدان دول نزلو علشان ايه من الاول خالص ولو كان حد عندك من الشهداء دول كان موقفك هيكون ايه و انتا بتشوف ان اللي قتل اعز الناس ليك قاعد باشا ف احسن مستشفي ف بلدك وجاي ف طيارة و رايح ف طيارة

لما يكون فضلنا شهرين و نكمل سنة علي الثورة و البلد مشوفناش فيها تجديد ولو واحد ف الميه

كل اللي شايفينه اننا غيرنا افراد لك المنظومة واحدة والادارة زي ما هيا ...


بس انا عذركمـ

ما هو لما يكون علي المنصة اللي بتايد المجلس واحد زي توفيق عكاشة و احمد سبايدر و عمرو مصطفي .... عايزين اللي تحتهم يكونو عاملين ازاي ...









منقول