عصفـــــــــــور حــــائــــــــــر

عصفور واقف حائر على شجرة من الآشجار
بيفكر يبنى عشة يعيش فية بحرية ليل ونهار
بس حوالية عصافير كتير وبينهم أشرار
بيفكر وبيعيد التفكير أى مكان أختار

شرط أكون فى أمان متصبنيش طلقة نار
أو خرطوش طائش أو قنبلة تسيل دموعى أنهار
ولكن العصافير حبايبى مش ممكن يعملوا كده
أكيد دول عصافير من عدو غدار

عايز يفرقنا وراسم خطته بإقتدار
المهم أختار مكانى فين؟
فى الوفد ولا المحافظين ولا الآحرار
ياه لسه فى أماكن عند الآخوان والسلفيين
بصراحة خلاص عقلى طار

نفسى أعيش فى هدوء وتزول الصعاب
ونكمل المشوار
وتصفو النفوس ونعمل بإصرار
نبقى يد واحدة للبناء والعمار

وترجع مصر جميلة تحتضن الزوار
يتمتعوا بجوها الصافى وعظمة الآثار
سعتها حنام فى عشى بسعادة بأستمرار
وأشكر وأحمد ربنا الخالق الجبار

وتعيش مصر حرة بأبنائها الثوار







منقول