مالك يا أبن بلدي هو أنت قالب وشك ليه؟










مالك يا أبن بلدي هو أنت قالب وشك ليه؟
مش أنت يوم ما الثورة قامت قلت هيييييه؟
ورقصت في الشارع وقلت بقينا أحرار يا بيه
وأنت أصلاً محدش قال لك حرية يعني أيه
وأن الحرية مش بس حقك اللي تفضل تدور عليه
... ... وبعدين تنسي واجبك واللي عليك ما تفكرش فيه
وترجع بعديها تستغرب البلد ما تغيرتش ليه
طب أسمح لي أقول لك يا سيدي من يوم الثورة عملت إيه !؟

عملت بأسم الثورة كشك عشان تبيع سجاير
ولزقـت سـتـيـكـر الشـهـدا بـتوع 25 يناير
اللي الفكيك اكتشف أنهم ماتوا في أحداث يناير
وعالأرض الزراعية قلت فرصة وبنيت عماير
وعملت للثورة لحاف ومش بعيد تعمل ستاير
وكأن الثورة قامت لأجل الفلوس مش للضماير
كأنـك لبست بنطلون ونسيت تـقـفـل الزرايـر






منقول