الحرس , الفرق , الولد , بين , في , والبت

الفرق بين الولد والبنت فى الدرس


1-القعدة نفسها في الدرس:
بالنسبة للبنت:تلاقيها قاعدة هاااااااااااااااااادية (معظمهن باردو )ومش بتتكلم خالص ومؤدبة ومحترمة حتى لو كانت عفريتة بره الدرس


بالنسبة للولد:كل شوية يقول لصاحب البيت هات مية بعد اذنك طب انا عايز اروح الحمام يا أستاذ لو سمحت اصل ماما بترن عليا علشان عايزين عيش بعد الدرس



2-الوقفة تحت البيت في الدرس (بالنسبة للناس اللي مبتطلعش عند صاحب البيت قبلها بنص ساعة وبتغتت يعني):


بالنسبة للبنت:تلاقيهم متجمعين ف حوش العمارة إتقاء شر المعاكسات والكلام المستفز


بالنسبة للولد:بيقف أدام البيت علشان اللي رايح واللي جاي يقوله كلام مستفز وياسلام لو شلة بقا تلاقي تحت بيت الواد الغلبان يا عيني شغال مسرح العرائس



3-احترام المدرس أثناء الدرس (بغض النظر عن احترام المدرس لنفسه أصلاً):
بالنسبة للبنت:بتحترم المدرس جدااااا خصوصاً لو كان راجل وبتحب المدرسة جدااااا لو كانت ست وخصوصاً لو كانت كبيرة وممكن لو اتعودت عليها تلطعها بوسة من هناهو وبوسة من هناهو أموووووووواه امووووووووووواه


بالنسبة للولد بقا:مش فارقة يا عم الحج راجل من ست هو انا هتجوزه اهو حد جاي يقول البقين اللي هينجحوني وخلاص متدققش عشان متتعبش



4-الامتحانات في الدروس:
بالنسبة للبنت:البنت تيجي مذاكرة المنهج كله حتى لو المدرس كان هيمتحنها في ربع المنهج بس وتقعد عرقااااااااانة وبردااااااااانة وتعبااااااااانة ووشها بيجيب الوان ولا اجدعها تليفزيون


بالنسبة للولد:بييجي متنح ومش مذاكر ومش فاهم حاجة ف حياته ولو مش هامه حد بيحط ملزمة الاجابات تحت الترابيزة أو بيبرشم الاجابات على ايده وفر مجهودك ف الحاجات دي لامتحان آخر السنة طيب



5-بالنسبة للعلاقة بالزملاء في الدرس:


بالنسبة للبنت:حسب طبيعة كل بنت لكن لو بنت حبوبة كده مش بتسيب بنت إلا لما بتكون صاحبتها الأنتيخ
وباردو علاقتها بالولاد حسب طبيعة كل بنت بس معظم البنات بيتعاملوا كزمايل ومصلحة ف نفس الوقت يعني تصوير ورق-ملزمة-معاد الدرس لو متحددش قبلها- كده يعني


بالنسبة للولد:راشق ف أي مصلحة وششششششش ولد بنت شايب كومي مش بتفرق المهم الليلة تعدي(إلا من رحم ربي)



6-في المراجعات النهائية:
بالنسبة للبنت:بتيجي باللي على الحبل كله وعلى سنجة عشرة(مع ان الكلمة دي منقرضة يعني بس ما علينا) وتقعد مبرقة ومركزة كده


بالنسبة للولد:غالباً ما يقول انه نسي فلوس الدرس يا مستر (وهو عارف انه مش هيشوف المدرس ده تاني ف حياته أصلاً)
وهو بيكون محوشهم علشان يلعب بلاي ستيشن بعد الدرس مع وائل وعلاء يا مستر


7-العلاقة بشكل عام مع المدرس:
بالنسبة للبنت:ممكن تفضل تكلم مدرسينها ومدرساتها حتى بعد ما تتخرج من الجامعة وتشتغل وتعيد عليهم في المناسبات


بالنسبة للولد:خلعااااان يا عم هو انا كنت طايقهم ساعتها عشان أرجعلهم تاني بمزاجي !!!!!


8-حركات النقص والطفولة :
بالنسبة للبنت:لاااااااااازم لازم لو هي صاحبة البيت تاخد أصل الورق سواء كان كربون أو هيتصور مليييييش دعوة


بالنسبة للولد:معلش يا مس بس أصل انا مكنتش عامل حسابي وجريت على الدرس هنا ومخدتش فلوس مواصلات...طب خد يا حبيبي انا زي ماما...ان مكنتيش تحلفي بس يا مس...ويروح يجيب سجاير وبيبس
.
.






منقول