هتروحى لفين يا مصر

**الرومنسى** · 26-11-2011, 12:23 AM

هتروحى لفين يا مصر
قولى يا مصر
على فين هيودوكى ولادك
قومى يا أمى وقولى ع اللى صابك
إولادك دول زرع جنانك
عيشين ديما فى حنانك
شمال ويمين نسيين
هموم سكننها سنين
وف يوم خرجو يقولو أمين
نتحرر من ظلم فيه عيشين
الكل فى أمان
الكل فرحان
خارج يقول يسقط الطغيان
لحد يومخرج عليهم جبان
وقلهم يسقط تاريخك كمان
وبدأ المسرح من كل مكان
يهتف ويقول كان زمان
عوزين حرية
كلمة من زمان منسية
نسينا الفرق بينها وبين الهمجية
قومى يا مصر وقولى جرالك ايه
كنا زمان حسن ومرقص وكوهين
مفيش فرق بين الأتنين
قومى يا مصر وشوفى ولادك
مجناش فى يوم وقلنالك
دينا هوا اللى سادك
ولا جينا قولنا محناش ولادك
كفايا الدم وسال على أرضك
وروح أولادك سكنت بطنك
ماتت كل حكاية جميلة
ولا نعرف مين الصادق
ولا مين بقناعة بيغوينا
سألت وقولت
فين أرضك يا خضرا
يا أم الزروع ناضرا
لقيتها على الجنبين
بيضا وحمرا
وأثارك كمان اتباعت
وولادك كمان تتخانق
لجان وأحزاب بتشارك
مش عارفة ايه اللى جرالك
قالو مبارك سرق وسابك
وعرضك هتكو حسادك
وجيشك وباعك
فينك يا أرضى
فينك يا بلدى
مزعوكى وقسموكى ولادك
ميعرفوش انهم بيقتلو جمالك
ميعرفوش أن الغازى على بابك
ميعرفوش إن الكلاب سرقوجيرانك
والدور عليكى يا طاهرة
خافى على عقالك
لتبقى تحت رجلين غصابك
فينك يا بلدى وفين ولادك
فين الحرية اللى وهموها لشبابك
يسقط يسقط يسقط
وإحنا اللى سقطنا من حسابك
فين أمنك وأمانك
هى الحرية موت ولادك
دمرنا إقتصادك وبعنا حطامك
بردعى ورجع دا باع عراقك
وموسى كان فى الخارجية حصانك
وغيرهم كتير بيقسمو أغراضك
فينك يا غالية وكتير عاوز خرابك
بقولك كلام فى تحفظية فى سرك
بقيت خايف على اللى جاى
وكمان اللى فات نمحية
يا مصر خليكى مكانك
أكيدهييجى يوم ويفوقو ولادك
بقول كلامى وأنا خايف عليكى
مصر يا أمى ربنا يحميكى