ربنا يخليها ليا ومتحرمش منها ابدا
ده هي اللي مفرحالي قلبي ومقوياني علي اللي بشوفه ف الدنيا دي

يارب دايما اشوفها سعيده وفرحانه والبسمه دي متفارقهاش

　
　
　
بعد مرور سنه مصاحبها مرور عده مشاكل وخلافات

　
　
　
ربنا يخليها والله ده وقت لما اشوفها وانا متضايقه بتحاول تهون عليا

ربنا يوفقها ف حياتها



　
بعد مرور سنه تانيه


　
　
لا والله ده انا بقالي يجي شهرين معرفش عنها حاجه
وانتو عارفين بقي الدنيا تلاهي
وانا الدنيا وخداني وهي الدنيا وخداها

ربنا يطمني عليها



　
بعد مرور سنه تالته




ياستي عادي هي اصلا مبقتش تسال ونسيتني خلاص
وانا مش بحب اتقل علي حد وكل واحد علي راحته

ربنا يسهلها بقي

　
　

　


ده كلام بنشوفه كتير وبيتكرر ما بينا يوميا
سواء احبه اصدقاء اخوات ...الخ

　
وده كان كلام علي لسان صديقه عن صديقتها

　
ف الاول


كانت ممكن تقول اشعار فيها
علي طول كلام عنها ف ال 24 ساعه
كانت ع طول معاها وفي كل وقت مع بعض
ف الفرح فرحتها سبقاها
في الحزن وقفه جمبها واكتر من الاخوات
ميقدروش يتخيلو حياتهم من غير بعض
مجرد التخيل مكنوش يقدرو عليه

　
وبعدها


الكلام قل ومبقاش بنفس اللهفه الاولي
بقي طبيعي زي كلامها علي اي حد
بس هي لسه بتكابر
ومش قادره تصدق ان هما وصلو للدرجه دي بعد اللي كانو عليه

　
　
المره التالته بقي

　
فعلا الدنيا قدرت تبعدهم
لدرجه ان الاتنين اللي مع بعض 10 ساعات يوميا
يقعدو شهرين ميعرفوش عن بعض اي حاجه
تعبانه فرحانه متضايقه مهمومه مبسوطه ...
واكيد في الوقت ده كل واحده فيهم لاقت حد ياخد المكان ده
وتحكيله همها او فرحها او حزنها ويشيل عنها
وده كان سبب انه يخليها فتره زي دي متسالش عن اقرب انسانه ليها
بس بردو لسه بتكابر
ومش عايزه تقول للناس ان خلاص هما الاتنين بقو اقل من كلمه زمايل حتي
فاتحججت ان الدنيا تلاهي وكل واحد عنده اللي مكفيه
بس يا تري الدنيا مكنتش تلاهي الاول ؟؟

　
المره الرابعه


واخيرااااا اعترفت صاحبتنا
ان خلاص حكايتها مع صاحبتها دي انتهت لحد كده
لانها اقتنعت ان مفيش فايده من المكابره

هتكدب علي نفسها .. هتستفيد ايه ؟
طالما الطرف التاني مش حاسه بيها
طالما قدرت انها تبعد يبقي هتفيد بايه ؟
طالما لاقت حد تاني تأمنه علي اسرارها وحياتها وفرحتها يبقي لزمه صاحبتنا دي ايه ؟
طالما قدرت يوم واتنين وتلاته و60 من غيرها يبقي اكيد هتقدر بقيه العمر علي كده
يبقي تستناها ليه ؟



　
　
بس مع ال 4 مراحل دول

في حاجه مشتركه ف كلامها

ان لازم ف كل كلمه تقولها عليها تدعيلها دعوه


سواء ان ربنا يسعدها ويفرحها .. او ربنا يوفقها في حياتها .. او ربنا يطمننا عليها دايما
وحتي في البعد دعيت ليها ان ربنا ييسر لها الامووور


دي مهما كان في يوم بينهم حاجات حلوه كتيرررر


　
طالما بقي ده بيتكرر كتير قصادنا يبقي فين الغلط ؟
عشان نصلحه

عشان نحافظ علي صداقتنا
عشان مفيش حاجه تبقي اقوي منا

　
　
والصاحبه اللي بعدت واتخليت عن صاحبتها وقصرت في حقها
دي يتقالها ايه ؟ هنلومها ؟ولا نبعد زيها ؟ ولا نتجاهل بعدها وتقربلها هي؟

　

وتعمل ايه لو فعلا هي عاتبتها وبردو مفيش فايده و الغلط اتكرر ؟

ومش قادره تتجاهل بعدها وتقرب عشان حاسه انها قللت من كرامتها كتير اوووي
وفي نفس الوقت مش هاين عليها ان خلاص كده صاحبتها اللي عاشت معاها احلي لحظات في عمرها
انها تبقي مختفيه من حياتها .. تفتكرها وتشوفها بالصدفه
ويمكن لو شافتها ميعرفوووش بعض وقتها

　 ؟؟
　
　وغير ده كله ايه اللي يخلينا كبشر
جوانا طابع الطيبه والحنين
اننا نقسي ولو معرفناش نقسي نجاهد عشان نتعلمها ؟



ايه اللي وصل الاتنين دول لكده ؟
بعد ما كانو مثال بيتحاكي عنه ..

ياتري هما اللي عملو كده في نفسهم
ولا الدنيا تلاهي زي ما بيقولو
ولا خلاص كل واحده فيهم لاقت شخصيه جديده وحلت مكان الاولي
فخلاص معدتش تفرق






ده مثال حي قدامي وانا شوفته بعيني

وبجد بجد مستغرباله اوي
ولحد الوقتي مش لاقيه السبب فين والعيب في مين

　
طولت انا اوي اوي اوي
بس اهو تعويض عن سنه مبكتبش حاجه

سلامشمش
مما راق لى

ــــــــــــــــــــــــــــــــــــــــــــــــــ ــــــــــ
　
　
　
　
　
　
　
　






منقول