طريقة تنضيف البشرة وحمام البخار..!!


يعتبر تنضيف البشرة من اهم الخطوات الرئيسية لو عايزة بشرة جميلة
صافية ونضيفة ،ولكن لازم ناخد بالنا ازاي ننضف صح

لو بشرتك جافة:
يبقي اكيد محتاجة تنضفي بشرتك بردو لان كلنا بنتعرض للتراب والتلوث
وطبعا البشرة بردو بيبقي عليها جلد ميت
بيمنعها انها تتنفس صح وبالتالي تبان باهتة ومش نضرة
بس لازم تعرفي ان عنايتك ببشرتك الجافة اما تخليها بشرة جميلة جداااااا
او تضرها جداااااااااااااااااا
-لازم يكون المنظف بتاعك علي صورة ميلك
بلاش تستخدمي اي حاجة تلاقيها ادامك
الميلك ويكون مخصوص للبشرة الجافة عشان يكون وهو بينضف بيرطب كمان
في اكتر من نوع وكلهم كويسين اوي

ورائع جداااا كمان كمزيل للمكياج وبالاخص العيون
في كمان نيفيا وده جميل بجد اوي
ومعاه التونر بتاعه

وفي كمان لوريال وغرنييه
واللي ترتاحي عليه هاتيه كلهم كويسين
وبالنسبة بقي للبخار والتنضيف العميق
ذوات البشرة الجافة والحساسةالبخار ممكن يعملوه كل شهر او كل
اسبوعين مش اكتر من كدا

البشرة الدهنية:
طبعا اصحاب البشرة الدهنية دايما متضاييقين من الدهون الموجودة
واللي طبعا في كتير من الاحيان بتطلع حبوب
وعشان كدا لازم لازم تعملي حمام بخار مرة مثلا كل اسبوع وتعملي تنضيف عميق للمسامات
بس خدي بالك ان ممكن كمان بشرتك تبقي دهنية بس حساسة بردو
فتبقي حذرة جداااااااا في التعامل معاها
وبالنسبة لاصحاب البشرة الدهنية
لازم تنضفي بشرتك مرتين او تلاتة في اليوم
ويكون في صابونة مخصوصة لنوع بشرتك والاحسن غسول طبعا
وفي سموز فيس

وفي كمان غسولات للبشرة الدهنية من نيفيا

ولو عندك لمعان زيادة في وشك يبقي تستخدمي تونر مضاد للمعان
زي نيفيا صبايا
وغسول كلين اند كلير الاخضر بردو حلو جدا

طريقة حمام البخار
-لوعندك الجهاز يبقي رائع جدا وجميل
لو لا يبقي مفيش غير الحلة حبيبة الملاين
هاتحطيها علي النار وفيها مية وشوية بابونج ونعناع اخضر
ملح وشرايح ليمون(طبعا مش لازم كل ده اللي عندك)
ولو بشرتك دهنية نقطتين من زيت شجرة الشاي
ولما يغلي ويطلع البخار
هاتي فوطة ووطي النار غطي نفسك مع البخاربالفوطة
وطبعا خدي حذرك كويس عشان بعد الشر عنك مش تتلسعي
وعرضي بشرتك للبخار 7 او 8 دقايق
ولما تعرقي وتحسي نفسك وشك مسامه اتفتحت
تجيبي ماسك التقشير بتاعك
وتوزعي علي كل البشرة
وترجعي تاني للبخار لمدة 10 دقايق وطول المدة دي
انتي بتعملي مساج لبشرتك بشكل دائري عشان تنضفيها
وبعد كدا هاتي فوطة فيها مية دافية شيلي بيها الماسك من علي وشك
وتكوني محضرة ماسك لازالة الرؤوس السودا
تحطيه علي الانف والمناطق اللي فيها البثور
وتسيبيه ياخد وقته وتشيليه
وتشطفي وسك بمية ساقعة
ووراها الماسك القابض للمسام
لمدة نص ساعة واخيرا اما تلجة وتممريها علي وشك
او مية ورد متلجة

ماسكات التقشير:
طبعا ممكن تكون جاهزة ودي حسب راحة بشرتك
من الصيدلية
وممكن تعمليها في البيت
-زي الزبادي والترمس المطحون والرز المطحون
وللبشرة الدهنية ماسك الطين المغربي رائع جداااااا



ماسك ازالة الرؤوس السودا:
-ماسك رائع عبارة عن جيلاتين بودر(او قطع عادي يعني)
وتدوبيه في معلقة حليب سخن وتفرديه
زي ماقلنا علي مناطق الرؤوس السودا
وتسيبيه ينشف خالص خالص
وتشيليه واستمتعي بقي باروق واحلي بشرة

طيب مش لاقية الجيلاتين في ماسك مشابه ليه جدا
عبارة عن بياض بيضة ومعاه نقطتين ليمون
وتفرديه (ممكن علي بشرتك كلها)
وتجيبي ورق قوي زي ورق ازالة الشمع كدا
(عشان الكلينكس العادي هايتقطع ويبوش)
وتحطيه علي الانف وتسيبيه ينشف خالص وشيلي بقي الورق كدا

ماسك لتقفيل المسام:
عبارة عن معلقة زبادي وعليها عصير خيار وعصير برتقال
وتفرديه علي بشرتك نص ساعة وبعدها تشطفيه
وتحطي تلجة او مية ورد متلجة







منقول