سكة طويلة طويلة
عن اللى اتعودتيه
طب ليه
دنيا وشكلها كده
والله اعلم
حيبقى حالها
على ما هو عليه

تفريق تزويق
وادينا بنعيش
كل ما تقدم احلامنا
ترجع جديدة
بحبة ورنيش
كل ما ابدأ خطوة
اقف وما اخطيش
لانى حسبتها
الخطوة ما تكفيش
لان قبل الحب جربت
... السهر ولياليه

المحسوبية ...
العنصرية ..
وبعض احلامى المفترية
لمحت فية الضعف واتكت عليه

وقبل الكلام
ملكت الاحزان لجام
حياتى كلها بلا اهتمام
وايه يفرق
الايام زى الايام
نهرب من عيونهم
وندارى وسط الزحام
واليوم بالهروب نطويه

لا شك .. انى مجنون
وجنانى بيزيد ويزيد
لا شك انى منحوس
باشتهى العزة والفلوس
واتلكك بقصر الايد
والعين البصيرة
زهقت من الحصيرة
ومش خاية من الحديد
تحلم صاحية ومغمضة
ارواحنا المربوطة بالقدر
مشتاقة للفضفضة
نفسها فى ارض فضا
نفسها وخايفة من القضا
يقضى ببيع العبيد
كدبة كبيرة حياتنا
عايشينها بت الايه
دنيا اللى نحبه فيها
ما نقدرش نشتريه





منقول