عايزة فكرة مشروع في اكتوبر

[hanaa2008]

الف شكر على التشجيع
ويارب ربنا يسمع منك ويكون المول فعلا خير على اصحابه والمقيمين جانبه
للاسف بالنسبة لموضوع السايبر فيه ناس خوفوني من الرقابة على المصنفات بالرغم من ان الواحد بيكون ماشي تمام فبصراحة انا مش عايزة مشاكل بدون داعي
بالنسبة للكوافير كانت فكرة لغاية كام يوم وفعلا بدات ادور على الحاجات اللي ممكن احتاجها بس للاسف السنتر اتقفل ومافيش ميه ولاصرف صحي في الدور الاول او على الاقل جنب المحل بتاعي فللاسف مهندس المول قالي فيه صعوبة تدخيل المية والصرف وطبعا الكوافير محتاج الموضوع دا جدا
عموما انا مازلت في احتياج شديد للنصيحة

[oxygen]

بالنسبة لموضوع المصنفات فأكيد له حلول سواء رسمية أو وديه
و موضوع المياة و الصرف ممكن يتأخروا شوبه بس متخليش تأخرهم يلغي الفكرة

و انشاء الله هانيت لأم في صيدلية علقت يافطة في الدور الأرضي فده معناه ان اللي فاضل مش كتير.

[hanaa2008]

بجد مش عارفة اشك حضرتك ازاي وكمان نتدى مدينة 6 اكتوبر على نصايحك وتشجيعك
فعلا انا امبارح قلت اعدي لاني خلصت شغل الكهرباء وكنتعايزة اشوف حد بتاع محارة علشان اقفل وبعدين السيراميك لقيت اليافطة فعلا بتاعة الصيدلية اتركبت بس تقريبا كدة فيه اصحاب محلات عملوا مشاكل مع اصحاب المول لان التسليم اتاخر سنة ونص وفيه تعليمات مع الغفير مافيش حد يشطب محله الا باذن شركة خبرا نفسها
فرجعت وقلت انهاردة اشوف ايه القصة دي
على فكرة اصحاب المول دا هما نفسهم اصحاب مول لاستيه اللي فيه مترو دلوقتي
بس شوف فرق الاهتمام والانتهاء انا بقالي 3 سنين بادفع اقساط في المحل دا وفي الاخر مافيش ميه وصرف ومافيش عداد كهرباء علشان الجهاز لسه مستلمشي
مشاكل مش راضية تنتهي
دا غير ما طلبت من الناس اللي شغالة في المول يقولولي لو عايزة ازود في الكهربا كام فيشة على اسبوتات على شوية تويلات كدة
الراجل جالي 1400 جنيه
بس الحمد لله ربنا وفقني وخلصت شغلانة الكهرباء كلها ب 500 جنيه
باقي بقى المحارة والدهان والسيراميك وربنا كريم
معلشي رغيت كتير
كل سنة وانتم جميعا بالف خير

[oxygen]

ألف مبروك علي الكهربا
بس هو مش المفروض الجهاز يستلم الأول و بعدين تدخل الكهربا؟؟

لو عايز حد بتاع محاره انا معايا ناس شغالين حاليا و تقريبا ده اخر اسبوع علي حد قولهم لكن ممكن تدخل في اسبوعين
فلو تحبي يجي يبص علي الموقع و لو حضرتك كمان عايزه تتفرجي علي شغله الموقع قريب جدا من المول و انا هضمنهولك و اتابعهولك كمان
لان ده سكتي يوميا مش يوميا بس كل شوية لان انا نقلت قرب الموقع مؤقتا فقبل ما اطلع اي مشوار او حتي اجيب اي طلبات لازم اعدي الاول.

[hanaa2008]

الف شكر لحضرتك على المتابعة
بس الكهرباء مش يعني ادخال الكهرباء
لا اقصد توصيلات زيادة على تسليم الشركة
يعني اسبوتات - تكييف - اي زيادة ممكن احتاجها عن الموجود فعلا بس الكهربا لسه مادخلتشي طبعا لانه لسه ماسلمشي الجهاز
بالنسبة للناس النقاشين
ياريت لو حضرتك تديني رقم تليفون حد فيهم وزوجي ممكن يكلمهم او لو يحبوا دا رقمه لو يكلموه لما يخلصو يبقى كتر خيرك
واحنا في الاخر جيران
عموما دا رقمه
0103066051 واسمه ماجد مصطفى