اعترفات مدير منتدى ...اتفضلى يا أميرة

[وردة الايمان]

ياسيدى على النسكافية
حاجة حلوة قوى
موضوع جميل و ريحته حلوة
اقصد وردة طبعا
منورة من تانى
و احلى و احلى مافى الموضوع انك اخترتى اميرتنا الغالية
و احلى احلى احلى تالتة احلى
مافى الموضوع
انه للمديرين
يعنى مليش دعوة بيه
هههههههههههه
عاوز بقى اسئلة يعنى فى الصميم
يعنى عاوزك تعصريهم المديرين دول
شوفى عاوزة اسئلة نقوة على عينك
و بلاش الاسئلة السهلة دى
عاوزينهم يعنى يتعصروا
انا ممكن اساعدك
و اقف اتفرج عليكم يعنى
مفيش مشكلة
المشرفين لبعضها

ايه التشجيع الجميل ده يا فريد ؟

بس انا مكنتش اعرف انك بتحب الاداريين قوى كده ؟؟

دا غير انى عايزة مشاركة فى الموضوع مش مجرد تتفرج وبس ...اتفقنا ؟

[فريد]

ايه التشجيع الجميل ده يا فريد ؟

بس انا مكنتش اعرف انك بتحب الاداريين قوى كده ؟؟

دا غير انى عايزة مشاركة فى الموضوع مش مجرد تتفرج وبس ...اتفقنا ؟

متفقناش على كده
هههههههههههههه
طيب هاتفرج و اصقف
و اشجع يعنى

[وردة الايمان]

شكرا اميرة على اجابتك

واسمحيلى نبــــــدأ المحكمة اللى هيتم فيها اعترافاتك

متخافيش هتكون محاكمة عادلة جدا

ومصيرك بعد الاعترافات مكانين


امـــــــــــا



واما





يعنى عايزاكِ تطمنى خاااااالص


نبـــــــــــدأ الاسئلة



من ضمن مهام المدير العام هو نقل او غلق او حذف المواضيع

يا ترى امتى اميرة ممكن تغلق موضوع ؟

وامتى بتحذفة ؟

ولو اميرة عرفت ان كثير من الاعضاء عايزين فتح موضوع مغلق

يا ترى هتعمل ايه ؟ هتفتح الموضوع لأنه مهم لكثير من الاعضاء ؟

ولا هتستخدم سلطتها كمديرة وتمنع فتح الموضوع ؟

وايه رأيك فى بعض المديرين اللى ممكن يغلقوا او يحذفوا المواضيع لمجرد التحيز ضد كاتبها برغم اهميتها ؟؟؟

[فريد]

كده تعجبينى بجد
هو ده الكلام
بس هو مفيش كرسى كهربائى كمان
مع الاختيارين بتوعك
ههههههههههه

[اميرة حبى انا]

من ضمن مهام المدير العام هو نقل او غلق او حذف المواضيع

يا ترى امتى اميرة ممكن تغلق موضوع ؟
الموضوع يغلق لما يكون مكرر او يكون مخالف ويحتوى على اعلانات

وامتى بتحذفة ؟
بحذفه لنفس الاسباب لان مالوش لزمة يكون مكرر اى مخالف ويكون مكانه وسط المواضيع التانية
ولو اميرة عرفت ان كثير من الاعضاء عايزين فتح موضوع مغلق

يا ترى هتعمل ايه ؟ هتفتح الموضوع لأنه مهم لكثير من الاعضاء
ولا هتستخدم سلطتها كمديرة وتمنع فتح الموضوع ؟
لا هفتحه بس لو مش مخالف اى يكون هيسبب اى مشاكل
وايه رأيك فى بعض المديرين اللى ممكن يغلقوا او يحذفوا المواضيع لمجرد التحيز ضد كاتبها برغم اهميتها ؟؟؟
لا انا الحمدلله معملتهاش ومبحبش موضوع التحيز لشخص معين