رد: لليوم الثاني على التوالي: أولياء الامور يتظاهرون رفضاً لقرار تحويل القومية إلى تجريبية
للاسف معلومة حضرتك مش مظبوطة لاني مش موظف حكومي زي ما حضرتك بتقولي
ولما قولت واحد صاحبي مكنتش بقول على رأي او تجربه عشان حضرتك تطلبي مني اتكلم عن تجربتي
انا بقولك مدرس في مدرسة خاصة ومرتبه اقل من المدرسين في الحكومي
ودي معلومة أكيده بالنسبالي
أما عن تجربتي الشخصية مع المدارس دي
فانا قضيت فترة في مدرسة ابو الهول القومية
اللي في ميدان الجيزة
وكان معايا اربعه من قرايبي
انا عن نفسي مكملتش فيها
ومحستش بأي فرق إللا المستوى الاجتماعي للطلبة وملاعب المدرسة وكثافتها
ودا قل كتير بعد ما جيت اكتوبر
بمعنى تاني مكنش فيه فرق بينها وبين مدارس اكتوبر لما دخلتها
وقرايبي الاربعه دلوقتي منهم خريجة معهد خدمة اجتماعية و وواحده اداب انتساب وواحده تجارة وواحد هندسة
مع العلم ان الاخير ده نقل في ثانوي
ودي بقا تجربة شخصية 100 %
ملحوظة بسيطة
لما ذكرت الدروس فذكرتها عشان ابرر قبول المدرسين للمرتب القليل
وللتوضيح اكتر حصة اللغات لا تقل بأي حال عن 50 جنيه اما الحكومي فكبيرها 20 جنيه
يعني المدرس يدي 10 طلاب لغات افضل من عشرين حكومي
اما بقا بالنسبة للطلبة نفسهم فانهم ياخدو دروس أو لأ ملهاش علاقه بمستوى المدرسة
لكنها وثيقه العلاقة بالفروق الفردية والقدرة على الفهم والاستيعاب
انا عن نفسي مخدتش دروس في أي مرحلة من مراحل تعليمي
مش معنى كدا اني كنت فذ الذكاء
ولا معناه برضه ان مدرستي الحكومية
كان فيها مدرسين مليونيرات مرتاحين او نوابغ بيزرعو المناهج في دماغنا
شكراااااااااااااااااااااا
رد مع اقتباس
المفضلات