أختطاف عضو

**fagrmasr01** · 19-11-2009, 03:56 PM

مش عارف اشكرك ازاى يا وردة

فعلا انتى غمرتينى برقة أسلوبك ولطف اخلاقك
لدرجة اكتر بكتير من ان اى كلام يوفيكى حقك فى الشكر

ولدرجة... انى حمدت ربنا انى اتخطفت
علشان اسمع الكلام الجميل دا من وردة المنتدى الرائعة

أبهرتينى باشعارك .. ويزداد انبهارى بقدرتك على التعبير
تستحقى فعلا القابك كلها ياشاعرة المنتدى ووردته الجميلة

بس اهو واضح ان اخواتنا التانيييييين
نسيونى مخطوف وناموا ومطنشييييين
أسعدتنى اوى ردودك يا وردة الشعراء
ربنا يسعد قلبك ياوردة ولحد ليوم الدين
يارب آميييين

**lionking** · 19-11-2009, 04:41 PM

يانهارك ابيض يا دعاء

لا لالالالالالالالالالالالا

تخطفى فجر مصر مرة واحدة كده

لن ننسى لك هذا الموقف

مش بقولكم شريرة يا ناس شريرة

ع العموم انا هعمل اللى عليا يمكن نقدر نرجعه

كده برده تاخديه من المدام والولاد

هقول ايه

شــــــــــــــريــــــــــــــــــرة

ماهو اجمل موضوع قرأتهـ لهـذا العـضـو ؟؟
كل اشعاره ومواضيعه وبجد مش هعرف اقول ايه ولا ايه

اجمل رد لهـ ؟؟

كل ردوده ذات قيمة تضيف كثييير جدا ع الموضوع لانه مش بيرد بكلمات معتادة

نصيحهـ توجهها لهـ ؟؟
ما يحرمش الناس هنا من ابداعاته
ماذا ينقص هذا العضو برآيكـ ؟؟

الكمال لله وحده
بس مش عارفة اقول ايه

ممكن نقول يكون متفائل

لقب ممكن تطلقهـ على هـذا العـضـو ؟؟
هو فعلا مختار اسم ماشى ومعبر عنه
فجر مصر
بماذا يتميز هـذا العـضـو عن غيرـه ؟؟
محب للجميع ومتسامح لاقصى درجة ومثقف وعقلانى جدا
اسلوبهـ في النقاش ؟
موضوعى بحت ولا ينساق وراء الانفعالات
شخصيتهـ في المنتدى ؟
مميز جدا بحكمته وعقله
معاملتهـ مـع الاعضاء ؟
تحس انه الاب الروحى لكل الاعضاء
ولا مؤاخذة يا جمال

صفهـ تتمنى ان يبتعد عنها ؟؟
ساعات مش كتير ساعااااااااااااات
بيتسرع فى اصدار احكام
بقول ساعااااااااااااات

انا عملت اللى عليا اهو

خد بالك من نفسك يا جمال

احسن دعاء شريرة زى الباشا

خد شوية المطاوى دى للدفاع عن النفس فقط مش اكتر

**اميرة حبى انا** · 18-11-2009, 07:40 PM

ايه ده هى مخطوفة ولا معزومة على حفلة
كتير كده ياباشا
وبعدين كده فى تفرقة
مافيش حد فينا اتعمله كده
(معلش ياليون انتى عارفة لازم شوية حقد وحاجات فوق بعد)

**lionking** · 18-11-2009, 10:46 PM

الحمد لله

اشهد ان لا اله الا الله واشهد ان محمد رسول الله

انا رجعت يا ولاد

بشكركم كووووووولكم واخص بالذكر

الباشا ......

اللى عذبنى......

وحرمنى من الاكل .....

لحد ما جالى هبووووووط

بس معلش انا طيبة .....

والايام دول

وجايلك يوم ....... واتمنى يكون على ايدى

ده انت هتشوف حاجات

ميرسى ليكم جميعا

**lionking** · 19-11-2009, 11:26 AM

ايه يا دعاء

مش انت اخر واحدة دفعت الفدية..........

هتخطفى مين يا امـــــــــــــــــــــى

يلا عايزين الجو يسخن شوية

يلا يا دعاء

مستنين الضحية الجديدة