فى الشارع البعيد جنب بيتنا القديم

[nouran_111]

يــــــــــــــــاه استاذ فريد
ده لسانى حالى كل يوم
بتمنى ارجع بيتنا القديم لكن بخاف اخاف الاقي النارحوا كلهم
ما اجمل ابدعاتك

[فريد]

فريد
ده الفارق لما بتكتب بتعيش كل كلمه بتكتبها
علشان كده الل انت بتكتبه انا باشوفه لما اقراه
وبس خلاص
ده احساسى بجد والله

لمسابقة الجديدة ديسمبر 2010
الفجر الساطع
لنرتقى

ربنا يكرمك يايسرى
هو فعلا الكلام بكون محسوس
لما يكون حصل فعلا
شكرا على الرد الرائع ده

[فريد]

دى مش حروفنا و لا كلامنا الا كتبناه زمان
ده حروف جديدة و كلام جديد احنا مبقلناش مكان
وسألت ناس واقفين هناك عن الجيران
قالولى مسالتش ليه عنهم من زمان
الناس الا بتسال عنهم مبقاش حد باقى منهم
كلهم راحوا لمكان بعيد لبيت جديد حتى الجيران اتبدلت
رجعت تانى لبيتنا و عيونى بحرقة بيدمعوا
لا احنا هانرجع تانى ولا حتى الجيران القدام راح يرجعوا
و الناس الجداد ميعرفوش حكايتنا
ولا عمرهم هايجيبوا فى سيرتنا
ودى حكاية الشارع البعيد و البيت القديم و جيرانه
الجيران راحوا زينا و الماضى راح بافراحه و احزانه

صح الصح يافريد ..راحوا زينا
كتبت بجد حكيت قصة حزننا
يارب تسلم يا فريد وتكتب لنا
وتحكى الحكاية بتاعتنا ..عننا

يبارك لنا
فيك ربنا
ياعم جمال ياكبير ياعمنا

[فريد]

و سألت عن الجيران
لكن لا بيتنا و لا الجيران
بقى ليهم اثر و لا ليهم مكان
كل حاجة اتغيرت حتى بيتنا
كل حاجة اتنست حتى حكايتنا
لا حد فاكرنى ولا فاكرين عيلتنا
الجيران مبقتش هيه نفس الجيران
و الببان مقفولة اغلب الببان
كل حاجة اتغيرت
جميلة بجد استاذ فريد
تسلم يداك عندما تخط الابداع الجميل
اكثر من رائع
لكن بعد كلامك
دى حال الدنيا
التغيير
بس فى مصر
متهيقلى التغيير صعب
ويبقى الوضع على ما هو عليه

التغير فى السياسة و اشياء اخر ماش
اما التغير ف البيوت ده شغال على ودنه
مبقاش حلاص البيوت القديمة كله فى الهد
و الابراج اشتغلت
واهلا بيك شرفت الحكاية

[فريد]

يــــــــــــــــاه استاذ فريد
ده لسانى حالى كل يوم
بتمنى ارجع بيتنا القديم لكن بخاف اخاف الاقي النارحوا كلهم
ما اجمل ابدعاتك

اعتقد ان ليكى حق تخافى
لانك هاتلاقى فعلا الناس على الاقل اتغيرت
بس يمكن تلاقى حد
و اشكرك عى كلاماتك الجميلة