هاكونا مطاطة

[فريد]

صباحك ملطش بدم الغلابة
بتاكل و تنهش زى الديابة
و عمرك ماتشبع يابن الكلابة
و كرشك مدور منور مزهر
و صوتك حمار دايما تنعر
ولا يهمك كاميرا تصور
لانك واحد من ضمن العصابة
هاكونا مطاطة سرحونا بطاطا
و فرجونا على الشيكولاتة يادى الخيابة
يروح فلان و يجى فلان
كلام كبير يملى الودان
و الحقيقة هيه احنا متنا ياناس من زمان
لا حد سامع و لا حد حاسس
الكل ماش و بعينه باصص
على الا من دمنا ماصص
و كله يقول يرحم ايام زمان
و يجى يروح
حسن اوممدوح
يدوس بقوة على كل الجروح
ولا يسمعولك لو حتى تنوح
خلاص مبقتش فارقة
احنا فى حسبة غارقة
الا يجى يجى و الا يروح يروح
مبقاش عندى دموع
ولا الطريق فيه رجوع

[fagrmasr01]

و يجى يروح
حسن اوممدوح
يدوس بقوة على كل الجروح
ولا يسمعولك لو حتى تنوح
خلاص مبقتش فارقة
احنا فى حسبة غارقة
الا يجى يجى و الا يروح يروح
مبقاش عندى دموع
ولا الطريق فيه رجوع


تسلم يا فريد ويعيش لنا قلمك وتعبر عن اللى احنا فيه بإبداعاتك الجميلة
الله ينور عليك ..
تسلم بجد ايديك
الهى ربنا يخليك

[خلود]

ياجمال كلماتك يافريد اللى هتودينا وراء الشمس

ايوه انت راجع علشان تخدمنا خدمه مافيش بعدها

بس بجد كلمات رائعه وبتعبر عن اللى احنا شايفينه واللى بتمر بيه البلد

عودا احمد يافريد وربنا يحرسنا يارب

[محمود التهامي]

سلمت يمينك يا بطل

بس مينحسن وممدوح اللي مزعلينك قوي دول
هههههههههههه

[فريد]

و يجى يروح
حسن اوممدوح
يدوس بقوة على كل الجروح
ولا يسمعولك لو حتى تنوح
خلاص مبقتش فارقة
احنا فى حسبة غارقة
الا يجى يجى و الا يروح يروح
مبقاش عندى دموع
ولا الطريق فيه رجوع


تسلم يا فريد ويعيش لنا قلمك وتعبر عن اللى احنا فيه بإبداعاتك الجميلة
الله ينور عليك ..
تسلم بجد ايديك
الهى ربنا يخليك

ربنا يكرمك ياعم جمال
انا تلاميذ من تلامذتك
و انتى استاذى الا بتعلم منه
و دايما منور منور و رافع اخوك الصغير