تبقى لابس و متشيك و ضارب الجل فى شعرك و ريحت البارفان جايبة لغايه اخر الشارع و بتفتح باب الشقة و جاي تنزل تلاقى حد من البيت شافك يقولك( ايه ده هو انت خارج ؟ )
- لا بجرب افتح الباب


خلصت خرجت و راجع البيت بتفتح الباب و داخل تلاقي الى بينده عليك بعد ما دخلت
(زكريا ترد و تقول: نعم يقولك : انت جيت ؟ )
- لا لسه لما اجى هاقولكم



قاعد فى اوضتك و كبس عليك النوم اومت اتغطيت و مظبط حالك و طفيت نور الاوضة و لسه بتغمض عينك تلاقى حد بيفتح عليك باب الاوضة ويقولك (ايه ده هو انت هتنام ؟)
- اكيد لأ مانتا شايفنى برقص باليه اهوه


او خلاص اتغطيت و طفيت نور الاوضة و عينك هتبتدى تروح فى النوم تلاقى حد بينادى عليك من اوضة تانية
(يا حسنين ترد وتقول نعم يقولك : انت نمت ؟ )
- يااااااااه فى سابع نومة و بتفرج على كابوس كمان

او روحت مسكت التليفون و لسه بتضغط عالارقام عشان تتصل تلاقى الى بيقولك
(ايه دا هو انت هتتكلم فى التليفون و لا ايه ؟)
- لا يا عم دا تمرين صوابع بعمله عالتليفون

رايح عند بتاع عصير القصب تقوله: سلام عليكم فى خروب؟
يقولك: فى سوبيا و عصير قصب و تمر هندى و دوم و مانجة وبرتقال
- طب يا عم قولى مفيش و خلاص