وما زال مسلسل الرشاوى مستمر ....

**وردة الايمان** · 09-01-2010, 10:48 PM

الرشـــاوى

الأزعاج الحقيقى اللى فى حياتنا ...

الوباء اللى انتشر بصوره غريبه جدا ..

ما زال فى تزايد بشكل رهيب ...

والغريب انه اصبح علنا بدون ان يشعر المرتشى بأى احراج ...

حاول مثلا استخراج رخصة قيادة ....

ماذا ستفعل ؟

ستذهب الى المكان المخصص لأستخراج الرخص ...

وتبدأ تعقيدات فى الأوراق وترسب فى امتحانات القياده ومماطله فى الأجراءات ..

ولكن .....

يكفيك ان تجلس فى الكافتريا المجاوره لهذا المكان وتأتى لك الرخصه فى اقل من نصف ساعه ..

كيف ......؟

بصراحه لا أعلم !!!!!

هناك قصه غريبه واتمنى ان تكون غير صحيحه ..

عندما قال احد العاملين فى شرطة المرور والمسؤول عن سحب الرخص والمخالفات ان رئيسه فى وحدة المرور يطالبه بمبلغ اسبوعى ...( اجبارى ) وقدره الف جنيه اسبوعيا .
فيتضر هذا الموظف بتحصيل هذه الأموال من المواطنين عن طريق الرشاوى حتى يستطيع رئيسه الحصول على المبلغ ...

هل تخيلتوا هذا الموضوع ......اقصد هذه المأساه .

مسلسلات التليفزيون مهما طولت ليها نهايه ....

لكن يا ترى مسلسل الرشاوى .....ليه نهايه ؟

**saadrabea** · 10-01-2010, 10:34 AM

أختي وردة
الموضوع أصبح طبيعي
كيف يحيا هذا الموظف براتب لا يتعدى 500 ولا 700 ولا 1000 هيعمل بيهم إيه

المفروض أن القادر يدفع لهم بنية الصدقة
ويدعي على المسئول بنية الحساب من الله

**وردة الايمان** · 10-01-2010, 11:36 AM

المشاركة الأصلية كتبت بواسطة saadrabea

أختي وردة
الموضوع أصبح طبيعي
كيف يحيا هذا الموظف براتب لا يتعدى 500 ولا 700 ولا 1000 هيعمل بيهم إيه

المفروض أن القادر يدفع لهم بنية الصدقة
ويدعي على المسئول بنية الحساب من الله

الرشوه هى الرشوه يا أخ سعد وليس لها اى مسمى تانى ..

واذا كان هذا الموظف دخله بسيط فباب السعى عن الرزق الحلال مفتوح ..

وانا واثقه ان ربنا هيكرم اى انسان طالما نيته البعد عن الحرام وخوفه من الله .

اشكرك ....على مشاركتك .

**fagrmasr01** · 10-01-2010, 05:55 PM

مع احترامى وتقديرى لك يا سعد لا اوافقك فى رأيك
فالرشوة هى الرشوة فعلا
وابواب الحلال كثيرة
ولكن المشكلة هى ليست فقط فى المسميات التى يتم تحتها اخذ الرشاوى
المشكلة فعلا هى فى القناعات التتى تغيرت فى مجتمعنا
الرشوة اصبحت معتادة تحت مسمى هدية او تسهيل المصلحة او او او
وكذلك الكذب والنفاق تحت مسميات المجاملة الاجتماعية او الكذب الابيض او للتخلص من ازمة مؤقتة او او او
والواسطة
والمحسوبية
و
و
أعتقد ان القناعات هى التى تحتاج الى مراجعة شاملة فى مجتعنا

والله المستعان

**خلود** · 10-01-2010, 11:23 PM

للاسف ده فعلا بقى امر واقع مصلحتك مش هتمشى الا اذا فتحت مخك

واديته الشاى بتاعه والموظف مش بيتحرك الا اذا شاف اللى هيشجعه انه يخلص لك موضوعك

حاجه بجد بقت تضايق رشاوى ومحسوبيات ووسايط علشان تعيين او مصلحه تنقضى

كفايه بجد لانى بلاقى نفسى ارفانه من كل اللى بيعمل كده ومعاهم مبررهم وحججهم