رحبوا معايا بمحمود عبدالله

[خلود]

يلا شويه اسئله بقى على الماشى كده كماله الغلاسه

ماهو حلم طفولتك ؟ وهل حققت هذا الحلم او لا ؟

من هو ظلك الذي لا يفارقك ؟ يعني شخص عزيز عليك ودائما مع بعض

- من هو بيت اسرارك

- هدفك الحالي في الحياة ؟

ماهي اكثر حاجة تخليلك ....
تغضب
تخجل
تفرح
تبكي ؟

- من هو العضو اللي بتتابع مواضعيه ؟ واحد بس

- مابين الحب والصداقة مادا تختار

- لو خطرلك تغير اسم العضوية من محمود عبد الله ءالى اسم اخر تختارايه ؟؟؟

- من هو العضو(ة) اللي لو نفسك تتعرف عليه ؟؟

لمن تقول هذه الكلمات :
يمهل ولا يهمل

- ماذا تعني لك هذه الكلمات الصداقة
الحب
الحياة
الموت
الدموع
الأمان
العطاء
الاسرة
الصحة
الشهرة
التحدي
العلم

بتتفرج على سبيس تون ؟
ههههههههههههههههههههههه

كم ساعة بتنام في اليوم ؟

شعورك بعد الاستجواب القصير ده ايه ؟؟؟؟؟؟؟؟

اظن كفايه كده لتزهق منى ولا حاجه

[محمود عبد الله]

اجوبة اسئلة اميرة

1-ليه لما نحس إن إحنا دخلنا طريق غلط وإحنا سايقين العربية بنخفض صوت الكاسيت أو راديو السيارة؟
ساعتها قائد السيارة بيحاول يوفر التركيز اللى كان مستهلك فى سماعع الكاسيت و يستخدمه فى الاجابة على الاسئلة الاتية
1- هل انا فعلا دخلت غلط
2- امال الصح يبئا ايه
3- طاب و عشان اروح للصح الف و ارجع ولا اشوف حد اسئله
و لما يجاوب على الاسئلة دى يفضل برضه موطيه عشان ال(gps) بتاع نفوخه بيبتدى ينفز الحل الصحيح
2-ليه لما بتكون بطارية الريموت شبه فاضية ، بنضغط على الزراير جامد ؟
عشان لما المية بتضعف بنفتح الحفية على الاخر

3-ليه لما حد بيهادينا قلم جديد .. أول حاجة وإحنا بنجربه بنكتب إسمنا ؟
عشان هوا اقرب حاجة للفكر و الحاجة الاولى اللى بتتكتب فى حاجات كتير
زى الامتحانات مثلا
4-ليه بنقول هدية مجانية ..؟ مش المفروض إن الهدية تكون مجانا ولا بفلوس ؟
كلمة مجانية لها وقع جميل و جذاب فى ازهان مختلف الشعوب
بس مين قال ان الهدية المجانية مش بفلوس
لا طبعا الهدية المجانية لازم تكون مشروطة يعنى مثلا تاخد حاجة معاها
فى لغة التجارة الحاجة اللى ببلاش بيكون اسمها عينة مجانية
5-ليه لما نكون جوه المنزل والسماء بتمطر بنسأل هو الجو بيمطر بره ؟
هى عمرها مطرت جوه ؟
كلنا بنميل لتوكيد كلامنا
(برة دى للتوكيد)

6-ليه لما واحد يقولنا خلى بالك الحائط لسه الطلاء مانشفش مانصدقوش ونمد صباعنا نتأكد ؟
تمام زى متئولى لحد انت ربنا نجدك من مصيبة بيكون عايز يعرف ايه كانت المصيبة دى

7-ليه الخدمة بتكون سريعة لما المطعم يكون مزدحم أكتر من لما يكون نص نص ؟
لأن عجلة المطبخ بتكون شغالة بأقصى طاقة و كل حاجة شغالة و جاهزة
و كمان تكرار طلب معين بيوفر ى وقت انجاز نفس الطلب لأكثر من واحد

8-ليه لما الواحد بيركن السيارة فى موقف فاضى اللى جاى وراك بيركن جنبك ؟
مش كل الناس بتعمل كدة
الناس المنظمة بس
لانها حاطة فى دماغها فكرة المنظومة المرتبة لإستغلال مساحة المكان استغلال امثل اما اللى يركن بعيد ممكن يسبب اهدار اماكن
اما لو كان المكان متئسم بحيث لا يسبب إهدار فهتلاقى ناس برضه بتعمل كدة عشان يستغلو السيارة الاولى كدليل ليهم و هما بيركنو
9-ليه دايما لما حد بيجري يلحق الأتوبيس تلاقيه مبتسم أو بيضحك ؟
دى خاصية فى الشعب المصرى بس لان الابتسامة تعنى التفائل و الثقة فى انو هيلحئ
او ممكن تعنى كلمة جانا الفرج لو هوا كان وائف مستنى بئالو كتيير
حد يجيلو الفرج ولا يضحكش
10-ليه بنفتكر إن لما ندوس على زرار الأسانسير كتير هاييجى بسرعة ؟
نفس فكرة الحنفية
11-ليه لو واحد جه بعديك وأنت مستنى الأسانسير بيدوس على زرار الأسانسير ولا كأنك موجود و الزرار منور أصلا ؟
ده بئا نوع من الغباء
12-ليه دايما عندنا إستعداد تام إننا نصدق أى حد بيكلمنا فى ودانا بيوشوشنا ؟
لائن الوشوشة فى مضمونها اختصاص بالشخص اللى بنوشوشه فبيزول الشك فى كلامه لانه كلام مخصوص لينا
13-ليه لما بنتصل بالتليفون دايما النمر الغلط مابتكونش مشغولة ؟
لا نها لما بتكون مشغولة احنا بنفتكر ان اللى احنا عايزينه هوا اللى مشغول
بدليل اننا ساعات نكلم حد و نقوله ايه ياعم تيلفونك مشغول ليه
يقول مش مشغول ولا حاجة
14-وليه دايما لوحة أرقام التليفون أو الموبايل بتكون عكس لوحة أرقام الآلة الحاسبة ...أو حتى أرقام الكيبورد؟
فى مفاتيح الحساب لازم يكون الواحد و الصفر و العلامة العشرية جمب بعض لكثرة استخدامهم
اما فى مفاتيح الهاتف فا مش ضرورى الموضوع ده ف نحطهم مترتبين احسن
15-وبمناسبة التليفون ليه لما واحد يعطيك رقم تليفونه بيقوله بسرعة ؟
لئنه حافظو
او بيختبر ذاكرة الشخص
او يختبر نمرته سهلة عند الناس ولا لا ؟
16-ليه لما بنصحى من النوم دايما بنحس إن كمية النوم ناقصها عشر دقايق ؟

لان اي تحويل من شيئ لاخر فى الحياه يلزمه فترة انتقالية
زى اليل و النهار
ينفع الدنيا تظلم فجئة ؟
بصراحة دى مجموعة اسئلة ظاهريا سائعة جدا
لاكن باطنيا اسئلة فى منتهى الجمال
الف شكر يا اميرة

[محمود عبد الله]

ماهو حلم طفولتك ؟ وهل حققت هذا الحلم او لا ؟
لا الحلم ساعة الطفولة كان حاجة بئربع عجلات
يعنى مكنش واضح ابتدى يوضح و يكبر و قربت احققه


من هو ظلك الذي لا يفارقك ؟ يعني شخص عزيز عليك ودائما مع بعض
واحد اسمه مصطفى اشارت اليه فى المشاركات السابقة

بس طبعا مش زى ظلى لازم نفترق

- من هو بيت اسرارك
ربنا

- هدفك الحالي في الحياة ؟
هوا هوا هدف الطفولة




ماهي اكثر حاجة تخليلك ....

تغضب
حد مش ملتزم بالمواعيد

تخجل
بنت تؤلى ازيك

تفرح
رسالة من السماء

تبكي ؟
الذنوب

- من هو العضو اللي بتتابع مواضعيه ؟ واحد بس
خلود

- مابين الحب والصداقة مادا تختار
لا ده ولا ده

- لو خطرلك تغير اسم العضوية من محمود عبد الله ءالى اسم اخر تختارايه ؟؟؟
(عبد الله يوسف)
بحب اسم ابويا

- من هو العضو(ة) اللي لو نفسك تتعرف عليه ؟؟
كلكو

لمن تقول هذه الكلمات :

يمهل ولا يهمل
لا احد

- ماذا تعني لك هذه الكلمات الصداقة
الاخوة

الحب
ارزاق

الحياة
الفرصة

الموت
نهاية الفرصة

الدموع
غسيل للعين

الأمان
ابسط الحقوق

العطاء
الرصيد

الاسرة
الدفئ

الصحة
الوسيلة

الشهرة
لا شيئ

التحدي
حال الدنيا

العلم
الغذاء

بتتفرج على سبيس تون ؟
لا

كم ساعة بتنام في اليوم ؟
7

شعورك بعد الاستجواب القصير ده ايه ؟؟؟؟؟؟؟؟
انا بييييس

[دعاء الكروان]

ربنا يعينك يا محمود
ما شاء الله عليك جاوبت على الاسئلة
عايز اسئلة تانية والا كفاية عليك كدة

[محمود عبد الله]

هل من مزيد؟؟؟