رحبوا معايا بمحمود عبدالله

[محمود عبد الله]

انشاء الله مش هغيب انى ادعولى انتو بس

[fagrmasr01]

فعلا أميرة وخلود كان عندهم حق لما قالوا انك فعلا شخصية جميلة

ونعود الى سؤالين ع الماشى

بتشجع نادى ايه ؟ فى مصر و بره مصر

مين احسن لاعب بتحبه ؟ فى مصر و بره مصر

مين احسن ممثل بتحبه ؟ فى مصر و بره مصر

مين احسن ممثلة بتحبها ؟ فى مصر و بره مصر

قول لنا موقف حصل لك وانت صغير ... واتعاقبت عليه

موقف ظريف حصل لك وانت صغير ولما بتفتكره بتضحك

ايه اجمل رسالة جت لك فى الايميل

[محمود عبد الله]

بتشجع نادى ايه ؟ فى مصر و بره مصر
انا لست كروى على الإطلاق

مين احسن لاعب بتحبه ؟ فى مصر و بره مصر
معرفش حد خالص

مين احسن ممثل بتحبه ؟ فى مصر و بره مصر
الممثلين كلهم زى بعض سفهاء القوم

مين احسن ممثلة بتحبها ؟ فى مصر و بره مصر
انظر إجابة السؤال السابق

قول لنا موقف حصل لك وانت صغير ... واتعاقبت عليه
انا عملت مصايب كتييييييير بس اللى فاكره
فتحت عربية بابا منغير مفتاح هوا معاقبنيش بس كان عايز يعرف عملت كدة ازاى
كمان لما كنت احب اروح مشوار معاه غصب عنه كنت انزل استخبى فى العربية
و اول م احس انه بعد عن البيت اطلع من الدواسة و اقوله انا اهووووووووو
بس دى كانت بتغيظه

موقف ظريف حصل لك وانت صغير ولما بتفتكره بتضحك
و انا صغير كنت شئى و مش بعمل الواجب
فى يوم مكنتش عامل الواجب و ماما جات تاخدنى من المدرسة بدرى
كنا فى الفسحة
ف الحل الوحيد عشان يلاقونى هوا الميكروفون
نفس الميكروفون اللى كان بيتنده فيه اسامى اللى عاملين مصايب و تطلع مديرةالمدرسة
تضربهم بالعصاية
و انا ساعتها يا معلم كان على راسى بطحة مانا مش عامل الواجب
اتوقعت انهم اكتشفو العملة السودة وعايزين يضربونى
فضلت اعيط و انا ماسك فى شجرة و العيال تشد فيا و انا اعيط
لغاية ماكتشفت ان النداء كان عشان اروح مع ماما
ههههههههههههه
مش هنسى اليوم ده
انا كنت فى اولى ابتدائى

ايه اجمل رسالة جت لك فى الايميل
الرسالة اياها اللى معرفش جات من مين عشان اشترك فى المنتدى ده

[اميرة حبى انا]

محمود
بجد انت انسان واخ غالى علينا كلنا
عشان كده بنحطلك اسئلة مخصوص عشانك
حصرية يعنى
اتفضل جاوب يامحمود
1-ليه لما نحس إن إحنا دخلنا طريق غلط وإحنا سايقين العربية بنخفض صوت الكاسيت أو راديو السيارة؟
2-ليه لما بتكون بطارية الريموت شبه فاضية ، بنضغط على الزراير جامد ؟
3-ليه لما حد بيهادينا قلم جديد .. أول حاجة وإحنا بنجربه بنكتب إسمنا ؟
4-ليه بنقول هدية مجانية ..؟ مش المفروض إن الهدية تكون مجانا ولا بفلوس ؟
5-ليه لما نكون جوه المنزل والسماء بتمطر بنسأل هو الجو بيمطر بره ؟
هى عمرها مطرت جوه ؟
6-ليه لما واحد يقولنا خلى بالك الحائط لسه الطلاء مانشفش مانصدقوش ونمد صباعنا نتأكد ؟

7-ليه الخدمة بتكون سريعة لما المطعم يكون مزدحم أكتر من لما يكون نص نص ؟

8-ليه لما الواحد بيركن السيارة فى موقف فاضى اللى جاى وراك بيركن جنبك ؟
9-ليه دايما لما حد بيجري يلحق الأتوبيس تلاقيه مبتسم أو بيضحك ؟
10-ليه بنفتكر إن لما ندوس على زرار الأسانسير كتير هاييجى بسرعة ؟
11-ليه لو واحد جه بعديك وأنت مستنى الأسانسير بيدوس على زرار الأسانسير ولا كأنك موجود و الزرار منور أصلا ؟
12-ليه دايما عندنا إستعداد تام إننا نصدق أى حد بيكلمنا فى ودانا بيوشوشنا ؟
13-ليه لما بنتصل بالتليفون دايما النمر الغلط مابتكونش مشغولة ؟
14-وليه دايما لوحة أرقام التليفون أو الموبايل بتكون عكس لوحة أرقام الآلة الحاسبة ...أو حتى أرقام الكيبورد؟
15-وبمناسبة التليفون ليه لما واحد يعطيك رقم تليفونه بيقوله بسرعة ؟
16-ليه لما بنصحى من النوم دايما بنحس إن كمية النوم ناقصها عشر دقايق ؟

ولا حول ولا قوة الا بالله

[خلود]

ده ايه الرخامه دى

ده ايه كميه الغلاسه دى

دى مش اسئله خالص

مش من الاول قلت لك يامحمود ربنا يصبرك على ما بلاك

يلا كلنا لها ياحودا

اتفضل رد بقى على الحاجه