علاء صادق يكتب

[فريد]

فى اول مظاهرات تحت شعار اتنين بلطجية لكل متظاهر فشلت فوضى 24 اغسطس وعرف الحامض انه حامض وعمره الافتراضى انتهى واصبح غير صالح للتعامل الادمى
ولو حول مرسى مصر الى جنة الارض سيحاول الحامضون والمباركون والشفاشقة والعواكشة والبقريون افساد الجنة وتحويلها الى جهنم ليعيشوا حيث يتأقلمون .
انتهى لا تعليق

[lionking]

عمرنا ما هنبقى متحضريين ابداااااااا

هو لازم التريقة والاستهزاء كده بالناس

احنا ننتقد ونقول راينا بادب وسمو اخلاق

[fagrmasr01]

اسلوب طبعا غير مقبول فى الحوار يا فريد .. مش صح ابدا يا صديقى ان تسخر ممن يعارضون من تؤيدهم
لام انت نفسك من فترة قصيرة كنت سلفى ومش اخوانى .. مش لازم كلنا نكون اخوان يا ااخى الطيب .. والدين الاسلامى الحنيف فيه مساحة كبيرة تسمح بالاختلاف والحوار ...

وأدع الى سبيل ربك بالحكمة والموعظة الحسنة

ولو كنت فظاً غليظ القلب لأنفضوا من حولك

ولو شاء ربك لجعل الناس أمة واحدة

كلها أدلة يقينية بجواز الاختلاف فى المواقف

انا عن نفسى يوجد بداخلى ألف دليل يقينى بأننى ولله الحمد والمنة مسلم وموحد بالله برغم انى لا أحب الإخوان .. بل واكره أساليب الاخوان فى نبذ الاخر .. لان الاخر مش كافر يا أخى الطيب .. بل قد يكون شيخ سلفى او عابد زاهد فى السياسة او مثقف ليبرالى متعلم ينادى بالحرية التى وهبها لنا رب العزة والجلال

اتمنى على أخى فريد وعلى كل الاخوة الاحباب ان نراعى الله فى مصر التى تدخل اولى سنوات الحرية .. وترفض الاذعان لمرشد أو لتوجه معين . وهذا حق لنا جميعا ان نختار

كلنا باذن الله مصريين ولنا باذن الله على خير
حتى لو اختلفت توجهاتنا

فلا تشقوا علينا يا أخى الذى أحبك فى الله

فليس من شروط الايمان ان نذعن لمكتب الارشاد
الذى يوما يلعن القروض الأجنبية ويوا يسعى اليها ويباركها
ثم يلعن المشير وعنان سنة وشهور ثم يقوم بتكريمهما ..
ويسب الجنزورى ويتهمه انه بيخرب البلد ثم يعينه مستشار

لسنا مطالبين بيمين الطاعة والولاء الا لسيدنا سول الله صلى الله عليه وسلم وللقرآن الكريم

أتمنى ان نتقى الله فى اقوالنا وأعمالنا
وفى مصر الحبيبة لقلوبنا جميعا

حفظك الله يابلدى من تطرف أبنائك اللى كلهم بيحبوكى .. لكن .. ومن الحب ما قتل

[ahmedabdelziem]

والله ممكن يكون فيهم ناس لا تبغى سوى مصلحه الوطن
يريت بقا علاء صادق يتلم شويه
ولا ده برضو مش سب وقذف
عموما علاء صادق فى الفتره الاخيره
اصبح اسلوبه غير مقنع والفاظه تحتاج الى مراجعه
حتى وان كانت الغايه هى التوضيح لكن الوسيله كانت غير لائقه

[فريد]

عمرنا ما هنبقى متحضريين ابداااااااا

هو لازم التريقة والاستهزاء كده بالناس

احنا ننتقد ونقول راينا بادب وسمو اخلاق

هو الراجل قال ايه فيه اساءة ادب
ده وصف زى وصف الناس انهم اخونجية و ناصرية ووفدية