حرام والله

[خلود]

معلشى انا هتجنن وربنا خلاص

يعنى ايه 17 جندى مصرى ماتوا يوم غزوه بدر ساعه اذان المغرب وتليفزيون بلدنا ولا هو هنا

لغايه دلوقتى شريط اخبار يقول ولا قطع للبرامج ويتقال الخبر الاسود ده

فين وزير الاعلام هنا

فين الوزير اللى لسه ماسك من يومين

تخيلوا التليفزيون بيذيع مسلسلات وبرامج الشيخ مظهر شاهين ومسلسل على القناه الثانيه

انا مش بتكلم هنا على قنوات الاخبار الفضائيه زى الجزيره والعربيه

المصريين اللى متغربين يعرفوا منين

فين تليفزيون بلدى اللى يعرفنى كل حاجه

فين اعلام بلدى ولا لسه بعد الثوره واللى حصل ده كله مافيش اى تغييييير

والحاج مرسى عامل اجتماع بقاله 4 ساعات ولا بيان و كلمه اتقالت وفى اسرائيل الدنيا مولعه وبيان ورا بيان
وليه سيناء سايبنها كده مفتوحه من مده ولا هو هنا
الإجراءات الاستثنائية التي سمحت بفتح معبر رفح بين مصر وقطاع غزة بدون أدني إجراءات أمنية، سمحت بدخول عدد كبير من الجماعات الدينية المتطرفة من القاعدة وغيرها الى سيناء

ايه ده فين احنا من ده كله

انا بقالى ساعه بنقل اخبار وعماله اتابع لما بجد اتخنقت ليه بيحصل كده ومين اللى اتسبب فى المصيبه دى

رحمه الله عليكم يااخواتى وشباب وجنود مصر اللى استشهدوا النهارده

[fagrmasr01]

التلفزيون مش من البلد دى

حسبى الله ونعم الوكيل

[lionking]

تليفزيون اسرائيل طلع 5 بيانات واحنا مستنيين مرسي يخلص التراويح والتهجد عشان نفكر نرد

حسبنا الله ونعم الوكيل فى العسكر والاخوان

[خلود]

منتهى الاستهتار بمشاعر اسر الشهداء دول ومنتهى الاستفزاز لنا لما نقعد نستنى رئيسنا يطمنا ان اللى حصل مش هيمر كده وان لازم نعرف ليه وازاى

ايه ده اى رئيس ده ومستنى ايه علشان يطلع اى بيان يقول اى كلمه

استغفر الله العظيم

[lionking]

اللى هيلوم على مرسي هزعل منه

كلنا عارفين انه طرطور بموجب الاعلان المكمل

فكروا فى شماعة تانية اللى يكرمكم تعلقوا عليها تاخير البيانات لغاية دلوقتى

الساعة 2 ظهراااااااااااااااااا تانى يوم الهجوم