كلمات اتمنى ان تصل لقلوبكم

[وردة الايمان]

التقينا فى هذا المكان كثيرا بين مواضيع ومشاركات وردود

تقابلنا من غير ميعاد مسبق ولكنه ترتيب الحق سبحانه وتعالى لكى نتعرف ونتشارك ونكون اسرة واحدة

ما اقولة ربنا يعلم انه من قلبى

ولم اقم حتى بتجهيز ما اكتبة

واتمنى من الله ان يصل الى قلوبكم جميعا

انا لم انظر الى هذا المكان كأنه ملتقى فقط او اقسام بيتم من خلالها تسجيل المواضيع

سأقول لكم شعورى الحقيقى لهذا المكان واتمنى ان لا تتعجبوا منه

( يعنى ما حدش يضحك عليا ....اتفقنا ؟ )

انا بشعر دايما ان المكان ده كائن حى اتولد يوم ما بدأنا نسجل ونتعرف على بعض

وفضل يكبر ويكبر وتكبر معاه علاقتنا وتبقى اكبر من الاول

الاقسام دى مش مجرد خانات على صفحة كبيرة بندخل ونسجل فيها مواضيعنا

الاقسام دى اتقابلنا فيها وعرفنا بعض من خلالها سواء قسم الابداعات او الثقافة الدينية او القسم العام اوالاقسام الترفيهية او ....

كل قسم اتكلمنا فيه ولينا فيه ذكريات جميلة

هتسألونى

طب ليه يا وردة بتقولى الكلام دة ؟

لأنى عايزة ارجع شباب المنتدى من تانى

مش عايزة ملامح الشيخوخة تظهر علية ابدا

ده ابننا كلنا ....

جزء مننا عشنا معاه ....ياريت نخلية هو كمان يعيش معانا


اتمنى ان الكلام ده ما يكونش اتسبب فى ازعاج لأى حد

انا هحاول اكون مع ابنى

يا ترى مين كمان عنده استعداد ؟؟؟؟


انا مش منتظرة ردود على الموضوع

انا بس بتمنى ان الكلام دة يوصل لقلوبكم

[خلود]

ورده

كما عهدناكى جميله فى مشاعرك وفى احاسيسك

لطالما احسسنا جميعا بمثل ما شعرتى به واحسسنا وقلنا كتير اوى ان المنتدى ده بيتنا اللى منقدرش نبعد عنه ابدا

ياما اختلفنا وزعلنا وبعدنا ولكن مش بنعرف نبعد كتير لان الحنين بيشدنا له تانى

جميله مبادرتك ورده وانا شخصيا مع كل من ينادى برجوع الروح والشباب للمنتدى

اشكرك على احساسك ومشاعرك الجميله تجاه منتدانا وانتظر تواجد لورده مكثف جدا

[وردة الايمان]

لطالما احسسنا جميعا بمثل ما شعرتى به واحسسنا وقلنا كتير اوى ان المنتدى ده بيتنا اللى منقدرش نبعد عنه ابدا

ياما اختلفنا وزعلنا وبعدنا ولكن مش بنعرف نبعد كتير لان الحنين بيشدنا له تانى

ايه يا سيادة المديرة الكلام الرقيق ده ؟

يظهر ان عندنا اديبة كبيرة فى المنتدى

ان شاء الله المنتدى هترجع له روح الشباب تانى

واللى بيحب المنتدى بجد ..هيرجع ويشارك معانا

شكرا خلود على قلبك الطيب اللى متعودين عليه

[فريد]

بصراحة و لان كلماتك كانت من القلب
فقد وصلت مباشرة الى القلب
ولان كلامك بالفعل كلنا حاسيين بيه
حتى لو مقلناش بصريح العبارة كده
الواحد بيحس ان المنتدى من كلام كتبناه و ناس صقفت و هللت
و شكرت و اعجبت و روحت نامت
لا بالفعل
الواحد حاسس ان المنتدى بكل الا فيه
من اعضاء من مواضيع
وحتى من مناوشات احيانا
جذء او بقى جذء منه
تحية خالصة لكلماتك
و فرحة كبيرة لعودتك
و العزومة على المديرين
الاعضاء لا
المشرفين لا
المديرين بس

[وردة الايمان]

بصراحة و لان كلماتك كانت من القلب
فقد وصلت مباشرة الى القلب
ولان كلامك بالفعل كلنا حاسيين بيه
حتى لو مقلناش بصريح العبارة كده
الواحد بيحس ان المنتدى من كلام كتبناه و ناس صقفت و هللت
و شكرت و اعجبت و روحت نامت
لا بالفعل
الواحد حاسس ان المنتدى بكل الا فيه
من اعضاء من مواضيع
وحتى من مناوشات احيانا
جذء او بقى جذء منه
تحية خالصة لكلماتك
و فرحة كبيرة لعودتك
و العزومة على المديرين
الاعضاء لا
المشرفين لا
المديرين بس

شكرا فريد على كلامك

فعلا المنتدى اصبح جزء مننا

وجزء غالى صعب نعيش من غيرة

وبخصوص العزومة فأنا فى انتظارها