كل اللى هنا بقلم الجخ ..

هشام الجخ

مبنى قناة الجزيرة صغير جدا
دورين اتنين
بس لما تدخل جوة تلاقي خلية نحل بتشتغل لدرجة ان مفيش حد فاضي يسلم عليك
لو ماسبيرو بمساحته وعدد موظفيه عمل كدة
محدش حيقف قصاد الاعلام العربي في العالم


هشام الجخ
بكرة ان شاء الله المتوقع انه يكون يوم زحمة جدا وممكن ما الحقش ادخل الفيس
قلت اعيد على اخواتنا المسيحيين من انهاردة
كل سنة وانتم طيبين بمناسبة عيد القيامة
كل سنة وانت طيب يا هاني فايز وماجد بشرى ومدحت يواقيم وهاني فكري ومونيكا تيمور وشادي كمال وماريان ناجي واسامة انيس
واللي عايز يرغي في فتنة يشوف له حتة تاني يرغي فيها بعيد عن مصر
تحياتي ليكم جميعا


هشام الجخ

كنت متوقع استقبال عظيم وحار من اهلي في قنا
بس بصراحة مش للدرجة دي
وكنت متوقع تنظيم وانضباط في الحفلة
بس برضه مش للدرجة دي
اللي حصل انهاردة في قنا ميتحكيش . لازم يتشاف فيديو
محمد سعد كان مذهول من حرارة الاستقبال وانا عيني دمعت اول ما دخلت الصالة المغطاة
عمري ما افتخرت باني قناوي زي ما افتخرت انهاردة
اللهم لك الحمد ولك الشكر حتى ترضى
اظل اتباهى بكم يا اهل قنا

هشام الجخ

اولا شكرا لاهل اسيوط العظام على الاستقبال العظيم ليا ولاعضاء الرابطة
شكرا للرابطة في اسيوط على التنظيم والتجهيزات والمسرح واجهزة الصوت
كان يوم جميل وكنت سعيد وفخور باهل اسيوط انهاردة