أنا برئ من الرايق و كلام الرايق


ليه كدة بس يا رايق

و أنا اللي حضرب عشان بعتها

يا جماعة أنا بريئ منه

و بقول أهو أنا مليش دعوة

شوفوا المرادي جاي يقول إيه:


رِضا الزوجات غاية لا تُدرك
ــــــــــــــ

مِن نوادر جُحا إنه كان مرة ماشى مع إبنه رايحين السوق

وكان معاهُم الحُمار فجُحا ركب فوق الحمار وإبنه ساقه

فالناس قالت شوف الرجل سايب إبنه الصغير يمشى وهو راكب

نزل جُحا من على الحُمار وركب إبنه

فالناس قالت شوفوا قلة الأدب الواد راكب و سايب أبوه يمشى

جُحا نزل إبنه و هُما الإتنين مشيوا جنب الحُمار

الناس قالت أومال جايبين الحُمار معاهُم ليه لما هُما مش هيركبوه

راح جُحا شايل الحُمار على كِتفه علشان يعجب الناس

ومِن هُنا خرجت مقولة رِضا الناس غاية لا تُدرك

بالذات النسوان ياساااااااتر على النسوان

خُد عندك

إنت راجع مِن الشُغل تعبان ومتكسر و مهدود وهىّ تقولك عايزين نُخرج

ياحبيبتى أنا تعبان

وأنا محبوسة طول اليوم وعايزة اخرج

ياحبيبتى خليها يوم تانى

لأ النهاردة

(تضطر حضرتك اسفاً توافق)

هنروح فين

قول إنت

ايه رايك نتعشى برا

والأكل اللى أنا عملاه ارميه و لا يمكن اكلى مبيعجبكش

خلاص نروح السينما

زهقت من الفُرجة على الأفلام الجديد زى القديم

خلاص نتمشى شوية برا

ليه هو أنا مستغنية عن رجلىّ

طيب نروح فين ياحبيبتى

نروح لماما إيه رايك؟

أنا عارف إنها ليلة غم من اولها .. أمك؟

نخرج نقوم نروح لأمك

ديه كُل يوم عندنا و كُل ساعة على التليفون

و فى النهاية تضطر اسفاً توافق

طبعاً هتروح هِناك هتأكل الأكل اللى مبتحبوش

وتقولها تسلم ايديكِ ياحماتى

وهتكلمك فى موضوع هى اللى غلطانة فيه

و تقولها عندِك حق

و فى الأخر تروح على البيت مراتك زعلانة مِنك

لإنك كُنت مكشر فى وش أمها

و هتوصل فى الأخر إن رضا الزوجات غاية لا تُدرك


مووووووووودتى وخلااااص