تلكسات زملكاويه
المستشار جلال ابراهيم
تاريخ جلال ابراهيم مع الزمالك
( تولى المستشار جلال إبراهيم رئاسة نادى الزمالك فى الفترة ما بين 1992- 1996 خلفا لنور الدالى الرئيس السابق
، وكانت الفترة التى تولى فيها رئاسة نادى الزمالك مليئة بالإنجازات التى بدأت بتحقيق بطولة الدورى المصرى عامى 1992 و1993 بعد غياب لمدة 4 سنوات
، كما شهدت فترة رئاسته الفوز ببطولة دورى أبطال افريقيا عامى 1993 و1996 والاحتفاظ بكاس البطولة بعد ان فوز الزمالك ببطولة 93 بعد ان كان قد حقق اللقب عامى 84 و 86 ليكون اول الاندية المصرية التى تحتفظ بكأس دورى أبطال افريقيا مدى الحياة
، كما فاز الزمالك فى المباراة الشهيرة امام غريمه التقليدى النادى الاهلى فى جوهانسبرج بنتيجة 1-صفر بهدف ايمن منصور وحقق كأس السوبر الافريقى عام 1994 ،
كما فاز بالبطولة الافروأسيوية عام 1994 ،
ولذلك نجد ان المستشار جلال إبراهيم قد حقق فى فترة رئاسته القليلة العديد من البطولات على كل المستويات المحلية والافريقية والأفروأسيوية .

اما على مستوى باقى الألعاب فقد حقق فريق كرة اليد بطولة الدورى المصرى عامى 1995 و1996
، وبطولة كأس مصر عامى 1992 و1994
وحقق مع فريق كرة الطائرة بطولة الدورى المصرى عامى 1992 و1993
كما حقق بطولة كأس مصر عام 1994 والبطولة العربية لأبطال الدورى عام 1993
كما حقق مع فريق كرة السلة بطولة كأس مصر عام 1992 ودورى ابطال افريقيا عام 1992 )
واضح ان تاريخك مشرف جدا جدا ويتحدث عن نفسه
ومن طريقه كلامك وقراراتك واضح حبك لنادى الزمالك النابع من القلب
واحترامك للاخرين
اتمنى فى الفتره القصيره ديه انك تصلح ماافسده الاخرين ولو حتى جزء بسيط ولا تلتفت للصغار
ممدوح عباس
لا انكر حبك للزمالك لانى لا انسى دموعك عندنا فاز الزمالك بكاس مصر 2008
ولكنك لم تعطى الزمالك الاهتمام الكافى الذى يستحقه منك بدليل ان مافيش رئيس نادى ايام المشاكل والصفقات
يترك ناديه ويروح يستجم فى اسبانيا
عذرا ممدوح عباس انت لم تكن على قدر المسئوليه والثقه التى اعطاها لك الزملكاويه
ولو لسه بتحب الزمالك بجد وبتخاف على مصلحته واستقراره سيبه فى حاله انت ومرتضى
وكونوا مشجعين وداعمين ومساندين فقط للنادى من غير اى مناصب اداريه
حسام حسن
كنت لاعب مميز جدا وستظل اسطوره
ومافيش خلاف فى كده
لكن مستواك كمدرب اقل بكثير من نادى بحجم الزمالك
ولاكن طول مانت مدير فنى للزمالك
سنظل مساندين ليك حتى تنتهى مهمتك على خير
ولوعايز تبقى مدرب ناجح
الاعتراف بالخطأ اولى خطوات الاصلاح
ليس هناك خطأ اكبر من عدم الاعتراف بالخطأ
مش عيب ان التلميذ يتعلم من استاذه الى اكثر منه خبره
ومش عيب انك تتقبل النقد بصدر رحب ولا تعتبر كل من ينتقدك من الفتايين
ومش عيب انك تُخطأ فى تشكيل معين او تغير معين
بس تعترف بخطئك وتتعلم منه
انت كل تاريخك فى التدريب هوا تدريب نادى المصرى والاتصالات!!!
ياعنى لازم تاخد دورات تدريبيه وتكتسب خبرات اكتر
لو كل الكلام ده انطبق عليك بجانب الروح والحماس
هاتبقى مدرب ناجح جدا فى حياتك ان شاء الله
عبد الحليم على
الله اعلم ايه المشكله الى تسببت فى رحيلك
بس الى انا متاكده منه ان سيظل نادى الزمالك بيتك الى بتعشقه
وانت عارف ومتاكد انك فى قلب كل زملكاوى
بس احنا كجماهير
مش بايدينا اننا نعمل حاجه للاسف
لان قرار رحيلك او بقائك من حق الجهاز الفنى وماحدش يقدر يدخل فى قراراته
لانه فى الاخر هوا الى هيتحاسب
ابراهيم حسن
فى كل تصريح ليك بتقل فى نظرى اكتر
بس لما تطلع مع مدحت شلبى
وتتحدث عن هداف نادى الزمالك
وتقول ان الناس الى بتطلع تمثل وتعيط على قفايا انا وحسام!!!
فانت انسان غير جدير بالاحترام اطلاقا ولازم حد يوقفك عند حدك
محمد عبد الشافى
انت لاعب مجتهد جدااا ومستواك بيتطور بسرعه
ولحد الان لم نسمع لك مشكله مع النادى ولم تعترض على اى حاجه
ودايما بحس انك بتلعب بروح وحماس واخلاص
استمر وقريب جدا هاتحجز لك مكان اساسى فى المنتخب
وكفايا ان اول اهدافك مع المنتخب ليه ذكرى خاصه عند المصريين
عبد الواحد السيد
ماينفعش اتحدث عن نادى الزمالك من غير ماجيب سيره عبد الواحد السيد
بجد عمرنا ماسمعنا ليك مشكله
دايما مع الزمالك على المره قبل الحلوه
من خلال متابعتى لمعظم الآراء
بلاحظ ان جميع الناس متفقه على انك
انسان محترم مهذب محب ومخلص لناديك
وبالتوفيق ليك ان شاء الله
الحضرى
انت حارس ماحدش يختلف على قدراتك وموهبتك وانك احسن حارس فى افريقيا
بس كفايا انك جيت لنادى الزمالك وعارف ان فيه الاسد عبد الواحد
وعارف هوا يبقى ايه بالنسبه لجماهير الزمالك
ياعنى تتمرد وتقول لاما العب كل المباريات لاما امشى
يبقى مع الف سلامه وتبقى قدمت اكبر خدمه للنادى
وفى النهايه
فى انتظار آرائكم
فى امان الله