مفاجأة بين السطور

[مصطفى مامون]

المشكله اننا عايزين ثوره تليفزيون يعنى نتفرج عليها ونشجعها ونكسب من نتايجها ياجماعه كل ثوره ليها دايما ذيول وقطع الذيول دى واستئصالها مش سهل وزاد صعوبته ان الثوره كانت من الممكن انها تكون روتينيه او كرتونيه بمعنى ان ازاى فيه ثوره ولسه رئيس الفساد على ارضها لا ونظامه كله وهيئته والحكومه اللى عينها مع كامل احترامى لاحمد شفيق
المشكله اننا دايما تعودنا على الراحه من غير تعب ودا اللى خلانا 30سنه فى راحه بحجة الامن اللى كنا برضوا لو حركنا شفايفنا بلا كنا مشعورناش بيه هو لازم نبقى جبناء عشان نعيش خلونا نحس اننا عايشين حتى ولو يوم احرار وبنعرف نقول لا
---ثم ان عدم الشعور بالامن من السبب فيه احنا كشعب والا نظام فاسد وحكومه معاونه للنظام وجيش تعامل بانسانيه قل او تراخى قل
---الثوره التى قراءنا عنها ونعرفها لكى تكتمل لابد ان تمزق كل ماسبق من فساد مفيهاش لا سيب دا والنبى ودا شكله حلو ودا ريس حكومه وسيم
اذا كان فيه شفيق فهناك الف احمد شفيق الفساد طواهم ومنعهم من الظهور وبرضوا مع احترامى للراجل اللى مقلش لا فى عصر الفساد بعكس اللى قالوا لا مين اشجع ومين يستحق ومين نقوله اتقدم دا مكانك
واحد عاش فى عصر الفساد وسكت والا واحد قال للفساد لا فى عز سطوته وسلطانه وكان ممكن يقعد وياكل عيش ويربى عياله يا ناس الحريه مش ببلاش