هاى ازيكم :ب
مش شاى بقى دلوقتى نخليها نسكافيه عشان نموت كل الولاد
تعالوا اقولكم ازاى تموتى راجل بسكته قلبيه ويموت بعد ما يتحسر على عمره وشبابه اللى ضاع
لو راكبه فى مواصله عامه جنب ولد لما تيجى تدفعى الاجره لو قالك الاجره لو سمحتى بوصيله كده وابتسمى واديها لاقرب بنت ليكى
لو ولد جيه يسلم عليكى سواء فى شغل او جامعه قوليله سورى لسه غاسله ايديا
لو دخلتى المحاضره وولد جيه يطلب منك كشكول المحاضرات بصيله وقوليله هو انت اد كده مكروه من الولاد
لو فى النادى وواحد اتقفلت الدنيا ادامه وجاى يطلب منك يقعد على ترابيزتك قوليله سورى اصل الجرسون لسه منضفها
لو اتخطبتى وخطيبك طلب يمسك ايدك قوليله احنا من عيله محافظه
لو طلب منك ترنى عليه كل شويه قوليله معييش كريديت وبتكلم بس فى الوقت اللى الناس بتتكلم فيه ببلاش هيرد ببرود ويقولك هبعتلك رصيد ده لو عنده شويه كرم قوليله مبحبش اكون مديونه لحد
لو شافك وانتى خارجه مع صحابك فى الشارع اعملى مش شيفاه لوو سالك قوليله اصحابى يقولوا ايه لو كلمت راجل فى الشارع
لو اتجوزتى وطلب منك تحضرى الفطار ردك لازم يكون حازم انا لسه مجاش معاد الصحيان بتاعى
لو حب يتفرج ع الماتش وانتى بتتفرجى ع المسلسل اتفتحى فيه وقليله هو انا ماليش حقوق فى البيت وعيطى وهو هتلاقيه مشى عشان يرحم نفسه من الموال ده
بس كده وفى الاخر برده حاميها طلع حراميها
ويابخت من قدر وعفى