باقي تقرير زيارتي للقاهره - من المسئووووووووووووول
معلهش ياجماعة اكمل معاكم زيارة الالم دي
خرجنا بعد كده من المطار وكان معي اخويا وقالي تعالى ناخد الطريق الدائري اسرع وانظف - وفعلا اخدنا الطريق الدائري بس ايه كان فيه ترحيب ممتازززززززززززززززززز
طبعا بعد شويه لقينا الطريق واقف تماما انا تخيلت انه حادث بس طلع مش حادث طلع كمين للمرور
وبدوون مبالغ اطلاقا - وجدت ظابط تحت الشمسية على جنب ، ومجموعةأمناء شرطة - بتتفق مع الزبايين - وبيبيعو المخالفات والله بجد زي ما بقول
طبعا انا مكنش عندي مخالفة بص في العربيه وقالي معاك طفاية - قلتله ايوه - قلي طيب اركن امن ومتانه يابيه قولتله بقولك معايا الطافايه - قالي وانا بقولك امن ومتانه مش طفايه
من الاخر هو شايف إن معانا شنطة سفر في الكرسي الخلفي - اديته عشرين جنيه طبعا قالي يابيه حمدالله على السلامة مينفعش والله - طلعنا لخمسين جنيه علشان نمشي
طبعا كل دا - والطريق واقف الى ماشاء الله بشكل يكفي لفصل اي وزير مسئول عن المهزلة دي - بس طبعا اخويابيقولي ايه شوف الظابط مركز ازاي مع العساكر بيشوف في حد منهم بيخنسر من الاتاوه ولا كلها هتتورد ويقسموها حسب الرتب والحصص .
المهم وصلنا الحمد لله البيت وسهرنا مع العيلة ونمت مقتووووووووووووووووول
صباحا كان عندي مشوار لأكتوبر وبمشي من طريق المريوطيه
الطريق الجديد ، والله ياجماعة والله العظيم ماشي في الطريق هو بيقولو انهم جددو الاسفلت بس إيه أتاري والله الاتاري أخف معمول بحيث أنك لو تفاديت حفرة مستحيل تتفادي التانيه
ايه انت بتهرج مش هنعرف ننكد عليكم ولا ايه
والله عمال اضحك وانا سايق وبقول لو حصل تخطيط للفساد ده كان مش ممكن ينجح بالمنظر دا
المهم ربنا ما اردش اكمل مشواري لحادث لحد اقربائي اضررني للعودة
المعم سيبكم بقى من باقي الموضوع وخلينا في يوم السفر من المطار .
رحت المطار طبعا بدري جدا ووقفت العادي في المكنا المخصص
بقوله خير في حاجة ولا ايه بقالنا كتير واقفين - ( عند الميزان لأخد البوردينج )
قالي لا عادي الاجهزه عطلانه بقولة طيب دا الدرجة الاولي والفرسان هاتو غيره او اعملو اي حاجة
قالي يابيه ما تقلقش اديكو مسلينا شويه - احنا طالع عنينا مع الادارة مش راضيه تجيب غير الكمبيوترات دي
وطبعا حطيت الشنط على الميزان مع دفع المعلوم علشان التلكيك وقالي الباشا روح انت يابيه كده شويه هنا وانا هجيبلك البورد عندك
رحت ومش مدي خوانة
جالي الباشا وقالي انت معاك وزن زيادة شويه وانت مديني 20 جنيه دا احنا هنا 12 واحد والمرتب 280 جنيه احان عايشين على الاكراميات دي
معلهش انا عارف احنا ......... كده بقى
طبعا دفعت إحراااااااااااااج ليس إلا
وجريت على فوق الحق اروح مكان مخصص لتناول اي مشروب او اكل - ( مكان مخصص للدرجة الاولي ) لقيت برده الراجل جي يقولي تشرب ايه ياباشا - الطبيعي في كل الاماكن دي في العالم أنه خدمة
داتيه - وعندنا كده برده - بس هما بيعملوا كده نوع من الاحرااااج علشان تدفع لهم
المهم دفعت وعديت الليله دي
بس والله والله كان جوايا حزن رهيب - إن دي بقت مصر وإن دي الحالة العادية
ولقيت المثل العام إمشي على جنب أحسنلك - والشعب والقانون في خدمة الشرطة . تحيا المملكة المتحدة
وشكرا وزيارة ماشي حالها واسف على الازعاج
رد مع اقتباس
المفضلات