ابتدت الحكاية لما أهلها رجعوا من امريكا .. ومكانوش بيهتموا بيها ..

كانوا أول إهتماماتهم هي الشغل ثم الشغل ..

إحتارت البنت ومبقتش عارفة تروح لمين ..

وأول أيامها فى الكلية أتصاحبت علي أوحش بنات فى الكلية ..

وطبعًـا أتجهت معاهم لطريق الحرام ..

طريق الشباب أولًا قبل كل شئ .. والسهر والكلام الفاضي ..

لغاية لما بقت تقريبًـا نسخة زيهم بظبط

ف يوم الخميس .. كالعادة سهرانه مع صحباتها .. وشغالين يجيبوا فى سيرة الولد دا والولد دا .. حتي المحترم فيهم مسابهوش

فاطيما : إيه يا أمنية مش عامله الدماغ بتاعت النهااردة ..
رئيسة الشلة .. معششه فى الكلية مدبلرة 3 سنيين .. بصراحة عسولة جدًا .. إسكندرانية وعيونها خضرا جدًا .. وبشرتها بيضه .. و ضحكتها جميلة جدًا .. وشعرها بني فاتح اوي

أمنية : شوويه كده وهعملها .. أركحيلنا انتي علي جمـ ..
أمنية .. بطلة قصتنا .. عسولة .. عيونها بنيه .. عندها نمش فى وشها بس شكله حلو عليها ..
وفجأة موبايلها رن

أمنية : أووبا .. بنات بنات .. دا هيثم بتاع شقة مصر الجديدة

 فاطيما : ودا عايز إيه ده ..؟!
أمنية : أستنى كده وهقولك .. ألووو .. أزيك يا هيثووووم .. عامل إيه .. بقولك إيه .. بص انا عارفة إن الكلام دا صعب عليك .. بس بجد إحنا مش هينفع نكمل مع بعض ..

و ب وشها بتعمل حركات إللي هتموت عليه .. وعماله تضحك

أمنية : معلش بقي يا هيثم .. شوفلك غيري .. يلا بااي
فاطيما : ههههههههـ .. جامدة يابت
أمنية : أنا طول عمري جامدة بس انتو مش حاسيين

 وتبدأ القصة من أول مايشوفها ويحبها بجنون من بعيد لبعيد

برغم الحجات إللي بتعملها والحجات إللي فيها .. إلا إن الحب أعمي ..

وهو حاسس إنه لو قدر يغيرها ممكن تتغير معاه ..

بدأ يكلمها بحجة عايز كشكول .. وهي تتحجج بإنها ناسياه .. مع إنها معندهاش أصلا ..

يحيي : هاي أزيك ..؟؟!
يحيي .. أكبر منها بسنتين .. عسول جدًا .. شعره زي الشعر الأمريكان .. طويل .. ولونه بني .. عيونه عسلية .. وجدع جدًا .. كل البنات بتموت فيه .. مش بيتعامل معاهم عشان محافظ علي سمعته .. ومستني البنت إللي بجد يقابلها ويحبها ..

أمنية : هاي .. مين انتا ..؟!
يحيي : انا وااحد بقي .. ممكن كشكول محاضراتك ..؟!
أمينة .. كشكول إيه .. يعني إيه .. ؟!

بدأ يحيي يستغرب لما هي بان عليها علامات الإستفهام

يحيي : كشكول .. المحاضرات .. إللي بتكتبي فيه ..؟!
أمنية .. ؟؟!

أمنية : لحظة وجايه

وجريت ع مكان تكون فيه لوحدها ..

أمنية : لا لا فيه حاجة غلط .. فيه حاجة مش طبيعية .. ازاي انا فى كلية .. وازاي معنديش كشكول محاضرات ..

نسيت إنها محضرتش ولا محااااضرة قبل كده ..

رجعت تاني ليحيي ..

يحيي : أتفضلي
أمنية : إيه دا ..؟!

يحيي : كشكول المحاضرات بتاعي .. خديه وأنقلي منه إللي أنتي عايزاه ..

أمنية : انت بتعمل معايا كده ليه ..؟!

بصلها وفضل باصص شويه .. وبعدين رفع إيده اليمين وحرك بيها شعره البني ..

يحيي : هتبان كل حاجة فى وقتها .. سلام

 ومشــي ..

روحت أمنية ولما دخلت الفيلا لقيت باباها كالعادة قاعد ومندمج فى ورق شغله

أمنية : هاي داد
الأب : هاي يا أمنية .. عملتي إيه ياحبيبتى النهاردة ..؟!
أمنية : كويسة يا داد .. انا جعانة فين الأكل ..؟!
الأب وهو باصص فى مجموعة الورق إللي قدامه : قولي للدادا ياحبيبتى هيكون جاهز

طلعت أوضتها وقعدت تفكر شويه ف يحيي .. بس سرعان ما طلع من بالها لما قعدت تاكل

قضت اليوم عادي جدًا .. سهر ع النت وكلام مع الولاد .. ونـــــامت


صحيت الصبح عادي جدًا .. زي كل يوم تقوم تغسل وشها وتسشور شعرها وتلبس هدومها وتنزل ..

دخلت الكلية وأول شخص أتوجهتلو كان يحيي .. إللي كأنه كان قاعد قدام البوابه .. بس عمل الواد التقيل ..

أمينة : هاي أزيك .. ثانكيو علي إمبارح إنك أدتني الكشكول إمبارح

يحيي : يو آر ويلكم .. فهمتي حاجة من خطي

أمنية .. خط إيه يا أبو خط .. انا مفتحتهوش أصلا
يحيي : ها فهمتي حاجة ..؟!

 أمنية : اهااا يس شوور .. i have to go ok

يحيي : لا ثواني .. قوليلي إيه إجابه السؤال دا ..؟!

 وفتح الكشكول وشاوريلها علي سؤال فى الكشكول

أمنية .. what ..?!

أمنية : أمممممممـ .. انا مشتفش الأسئلة .. مفهمتش اوي الكلام إللي أنت كاتبه يعني

مسك إيديه وشدها ع الكافتيريا

يحيي : قوليلي بسرعة محاضرتك الساعة كاام ..؟!

 أمنية بإرتباك : كمان 2 hours
يحيي : أممممممممـ .. تمااام جدًا تعالي بقي
قعد يحيي يشرحلها شويه من المحاضرات إللي فاتتها .. هي كانت مركزة معاه عشان هو كل شويه يسألها .. وهي مش عايزة تطلع قدامه وحشة

فهمت كتير اوي منه ..

يحيي : خلصنا بقي .. فى أي سؤال ..؟!

أمنية : لا علي فكرة مفيش أي حاجة بس بجد فهمت جدًا .. شكرًا اوي يا .. انت أسمك إيه صح ..؟!
يحيي : اسمي يحيي .. وانتى ..؟!
أمنية : أسمي أمنية
مد إيده وهو بيقولها

يحيي : تشرفنا يا أمنية
أمنية : الشرف لينا

يحيي : قوليلي بقي شايفك بتتكلمي كتير أنجلش ليه ..؟!
أمنية : أصل انا كنت عايشة مع my parents in America وعشنا هناك كتير يعني .. وانا وحيدة أصلا وكده يعني ..

يحيي : اهاااا .. تمااام .. طيب محاضرتك هتبدأ دلوقتي .. تعالي أوصلك ليها ..

أمنية : أو .. أوكـ .. اوكـاي .. ماشي
وصلها يحيي المحاضرة .. واتأكد إنها دخلت .. اليوم دا مكانش عنده محاضرات .. راح قعد فى الكفاترييا مستنيها تخلص محاضرتها .. لما طلعت لقيته قاعد ع الطرابيزة ومربع إيده وحاطط وشه .. وكأنه نايم

قرب منه و ..

أمنية : يحيي .. يحيي .. يحيي wake up
يحيي كأنه اتفاجأ : إيه مالك ..؟!
أمنية : ههههههههههـ .. انت نمت هنا ..؟!

 يحيي : لا مش نمت عادي .. مستنييكي تخلصي
أمنية : مستنيني انا ..؟!

يحيي : اه مستنيكي انتي

أمنية : طيب انا خلصت ..

يحيي : هتروحي ..؟!

 أمنية : اهاا أكيد ..

يحيي : مش هتسهري مع صحباتك النهاردة ..؟!

 أمنية أتكسفت اوي

يحيي : خلاص يبقى متسهريش تاني مدام بتتكسفي منهم

أمنية : طيب ..

يحيي : طيب يلا أروحك

وصلها يحيي البيت .. وهو مكانش بعيد أصلا ..

أول مادخلت البيت جريت باست باباها .. وبعدين طلعت علي طول أوضتها

قعدت تفكر كتير اوي فى يحيي .. وناامت ع السرير

صحيت ع رنة فاطيما

أمنية بصوت نايم : أيوة يافاطيما ..؟!
فاطيما : ياعين أمك .. قومي يابت عشان نسهر

أمنية : لا بلاش النهاردة
فاطيما : ليش تعبانة ولا إيه ..؟!
أمنية : لا بس انا مش هسهر تاني
فاطيما : نعم ياختي ..؟!
أمنية : نعم الله عليكي .. إيه مسمعتيش
فاطيما : لا سمعت بس ليه يعني .. إيه يا أمنية .. من ساعة ما انتي أتصاحبتي ع البتاع دا وانتى متغيرة

أمنية : مش فاضية .. يلا باي

وقفلت

صحيت كان نفسها تكلم اوي يحيي ..

أمنية .. مأخدتش نمرته ليه انا .. نمرة إيه لا .. انا مش باخد نمر ولاد .. من امتي .. مانا طول عمري باخدها .. مش عااارفة بصرااحة .. يلا ربنا يسهل
عدي اليوم بالبطئ اوي .. ولأول مرة ماتكونش عايزة تقعد ع النت ولا تعمل اي حاجة .. وراحت كملت نوم ..

جت الصبح .. قامت .. لبست بسرعة .. بنطلوب أسود جينز .. وحزام لونه أبيض .. ولابسه حاجة كب لونها أبيض .. وبدي لونه أسود .. وشعرها عاملاه ديل حصان .. ومننساش النضاره الشمس طبعًـا

راحت بسرعة الكلية .. ومجرد مادخلت لقته ف وشها

أمنية : أزيك ..؟!

 يحيي : إيه القمر دا ..؟!

أمنية : ههههههــ .. ثانكـيو
قعدوا ف الكفاتريا .. وأتكلموا كتير جدًا ..

يحيي : ومعنديش ياستي أخوات .. عايش بس مع عمي .. ووالدي ووالدتي بيشتغلوا بره .. بما إننا أصحاب .. ممكن أخد نمرتك ..؟!
أمنية : ياسلام تاخد الإيميل كله كمان ..

يحيي : لا شكرًا انا عايز بس النمرة ..

أمنية : أتفضل ياسيدي
يحيي :مش ملاحظه بقي إنك بتتكلمي عربي .. وبقالك بتاع ساعتين متكلمتيش أنجلش ..؟!

 أمنية : ههههههههههههـ .. دا بفضلك انت ..

يحيي : طيب انا عايز نمرة باباكي بردو
أمنية : بابا ..؟!

يحيي : امال لما أتقدملك هتقدملك انتي يعني ..؟!
أمنية : تتقدملي ..؟!

 يحيي :إنتي هتقعدي تكرري كلامي كده .. ايون عايز أتقدملك
أمنية : برغم الماضي بتاعي ..؟!

 يحيي : ميهمنيش .. خلاص ..

أمنية : هههههههـ .. انا بحبك علي فكرة

يحيي : انا أكتر علي فكرة

أمنية : :08::08:

علي طرابيزة من بعيد .. قعد واحد .. وغمز ل أمنية

أمنية : ماتيجي نقوم من هنا .. انا ماليش نفس بجد أحضر محاضرة خالص

يحيي : لا إحنا مش هنقوم من هنا خااالص غير لما تحضري المحاضرة وبعدين نروح

أمنية مسكت إيده جامد كأنها بتترجاه : أرجوك نقوم ..

يحيي : أمنية في إيه ..؟!

أمنية : في إن انا بعد ما أتغيرت علي إيديك .. فى ناس لسه بيطاردوني ..

يحيي بص وراه لقي واحد قاعد ..

يحيي : انتي تعرفي هيثم ..؟!

أمنية : .......

يحيي بكل هدوء : حبيبتى ردي عليا تعرفيه ..؟!

أمنية أتغربت من رد فعله الهادئ اوي ..

أمنية : أيـ .. أيوة

يحيي : تمام اوي .. كنتوا بتحبوا بعض مثلا ..؟!

أمنية : يعني .. بس من ناحيتي .. مكنش في إي حب .. تسلية يعني

يحيي : طيب خليكي هنا وإياكي تتحركي ..

أمنية بلهفه : هتعمل إيه ..؟!

يحيي : أسمعي الكلام ..

راح يحيي لهيثم .. وقف معاه لمدة دقيقة .. أمنية لاحظت من ملامح وش هيثم إن بان عليه رعب اوي .. وبعدين مشي بسرعة

يحيي : خلاص الموضوع خلص

أمنية : بجد ..؟!

يحيي : ماشي .. مقولتليش هاجي أقابل بابي أمتي ..؟!

أمنية : ههههههههههـ .. i love you

يحيي : i love you too

بعد كام يوم .. كانت أمنية خطيبة يحيي رسمي .. وبعد ماخلص يحيي جامعة .. سافر وأشتغل لغاية لما تخلص هي دراسة .. ولما رجع أتجوزوا علي طول ..
وخلصت القصة ..









منقول