يا نيلنا يا حب ايامنا ..

[وردة الايمان]

يا نيلنا يا حب ايامنا ....يا أصل جدودنا ووجودنا .

لو نطق الدم فـ عروقنا ...لكان لحبك فـ قلوبنا .

شاهد ودلـيل ..

على حب النيل ..

لو يقدر الورد وزهوره ....يوصف شوقه وحبه وجنونه .

لكتب الورد فى كفوفه ....بكل معانى الحب وحروفه .

بحب النـيل ..

وعلى غصنه يميل ..

من حب النيل .

اتباهى بنبعك الصافى ....واروينا بحبك الدافى .

دا خيرك نبت اراضينا ...وهواك لحزننا شافى .

تلاغيك الشمس فى سماها .

وانوار ليلك تغنيلك .

اغانى العاشق يهواها .

وضى القمر يحكيلك ..

احلى ليالى عشناها .

معاك يا نيل ..يا رمز جميل .

للخير ..والأمل ..وللحب سبيل .

بحبك يا نيل ..

[nasr]

برافو يا أستاذة

لقد لمستي مكانة النيل في قلوبنا
أحييكي وأتمني المزيد من السهل الممتنع .

[وردة الايمان]

برافو يا أستاذة

لقد لمستي مكانة النيل في قلوبنا
أحييكي وأتمني المزيد من السهل الممتنع .

اشكرك جدا يا نصر ...

على ردك على موضوعى ..

وانا اللى احيك واتمنى انى اشوف المزيد من اشعارك ..

[AFIFI MOSTAFA]

الله عليكى يا وردة
وردة بتلاغى النيل والنتيجة قصيدة ملهاش مثيل

عفيفى

[وردة الايمان]

الله عليكى يا وردة
وردة بتلاغى النيل والنتيجة قصيدة ملهاش مثيل

عفيفى

اشكرك جدا جدا يا عفيفى ..

وردك هو اللى مالهوش مثيل ..

بيسعدنى دايما تواجدك ...فى اشعارى المتواضعه ..

وانا فى انتظار اشعارك الجميله ..