يا شمس طلـَّه في عتمة ِالدنيا
ومن حنان القلب فارده الهنا كله وعامله لنا ضُليله
يا شجره طرحها خير يجمع شتات عيله
في بسمتك يا أمه والحضن والضمه
لو تبعدي عني كنت أبكي أنا يا أمي
دا أنت الحبيبه الغاليه يا مجمعه العيله
يا إللي وهبتيني معنى الحياه يا أمي
فاكره ..... كانت ليله
كل الحنان والحب يا حبيبه ترويني
وجوه نن العين والقلب شيلتيني
من الزمان يا أمه بالحضن والضمه قلبك بيحميني
معنى العطاء قلبك يا حبيبتي علمني
أتعب تريحني
عمر الحنان والحب جواها ما جرحني
سهرت عليه كتير وضهرها محني
أنام على حبها وبسمه تصبحني
شالت هموم ياما ولا يوم تصارحني
خافت أعيش همها وألمها يجرحني
كل ما فيه بيعشقك بعدك بيدبحني
تجري وتمسح دمعتي علشان تفرحني
وإيه غير حضنها الغاليه في الدنيا ريحني؟!
انت الحبيبه الغاليه
رد مع اقتباس
المفضلات