الشعر عيره

**هاوي** · 23-06-2009, 02:47 AM

الشعر عيره والكحل عيره
والورد فوق الخد ولحد الضفيرة عيره
الصبر عيره والضحك عيره
والفرح والأحزان كمان وحاجات كتيرة

حتى الحنان جوا البيوت
حتى الكلام حتى السكوت
حتى الهتاف جوا المسيرة
برضه عيره
حيرنى حيرة

بقينا أيه؟
حبة حاجات
قمصان بدل على بالونات
مبقتش شايف أيه اللى جاى وايه اللى فات

ده ازرق ده ولا أحمر رمادى
ودى كارثة ولا ده وضع عادى

وده طفل ولا راجل عجوز
وده أيه ده راخر
جايز يجوز

نعسان ده ولا ساكت وسايق
بردان ده ولا ده دور وداير
وده أحلى ولا الكل حاير

الشعر عيره والكحل عيره
والورد فوق الخد ولحد الضفيرة عيره
الصبر عيره والضحك عيره
والفرح والأحزان كمان وحاجات كتيرة

يا سلام بقي لو سمعتوها باجمل صوت وارق احساس واقوي اداء الملحن والمطرب وجيه عزيز كلمات الرائع علي سلامه

**fagrmasr01** · 23-06-2009, 07:27 AM

حتى الكلام حتى السكوت
حتى الهتاف جوا المسيرة
برضه عيره , حيرنى حيرة
بقينا أيه؟ حبة حاجات
قمصان بدل على بالونات
مبقتش شايف أيه اللى جاى وايه اللى فات

ده ازرق ده ولا أحمر رمادى
ودى كارثة ولا ده وضع عادى

من شدة إعجابى بها فإننى لا اعرف كيفية للإشادة بها
... شئ اكثر من ان اللى زيى انا يوصفه