اوعى تقعد مع جدتك يوم الامتحانات

[abo trieka elking]

الموضوع ده بصراحه عاجبني


يلا نبدأ ونشووووف ...

" الله أكبر .. الله أكبر.." آذان الظهر ..

- يارب.. يارب بحق ده الآدان تنجح يا نون يابن ابنى وأشوفك دكتور أد الدنيا

- ياستي بس أنا فى تجارة

- وماله يابني هو يكتر على ربنا ...... ده ربنا قادر على كل شئ

- ياستي ونعم بالله بس اللى بيطلع دكتور لازم يكون فى كلية الطب مش التجارة

- ياللا تجارة تجارة .. ومالها التجارة ..

دى حتى التجارة شطارة .. ده -الله يرحمه-

جدك كان تاجر في الوكالة أد الدنيا

( طبعاً الضياع بدأ )

- ياستي التجارة اللى فى الوكالة حاجة واللي في الكلية حاجة تانية

- ع العموم شد حيلك أنته وانا أخلي جدك يخدك معاه الوكاله

عشان تتدردح وتتودك في السوق


- جدى إيه اللي هايخدنى معاه ..... ده جدي مات من زمان ياستي


- يامصيبتي عبد الواحد مات .. ياحبيبي ياأخويا ..

مكنش يومك ياسبعي
( طبعاً ف الطراوة من زماااان )

- ياستي ده ميت من تلتين سنة

- تلتين سنه .. ده العمر بيجري ياولاد تصدق ولا حسيت بيهم ....

ياللا أهو غار في داهيه .... قطع وقطعت سيرته .. ده كان بخل الدنيا فيه ..

أن ما عمره دخل عليه ببطيخة ولاكيس جوافة

( لاتعليق )
- ياستي حرااام عليكى عايز أذاكر بقى

- يوه..وأنا ماسكاك ياوله.. ذاكر ...

ذاكر عشان ربنا يكرمك وتنجح وتاخد الدبلون

( ومازال الضياع مستمر )

- ياستي دبلون إيه .. اسمه البكالوريوس

- أنته حتضحك عليه ياوله .. اسمه الدبلون الواد ابن فايزة جدع

زيك كده فى مدرسة التجارة وخد الدبلون

- خلاص دبلوم دبلوم ياستي .. سيبيني بقى عشان أذاكر

- ذاكر ..ذاكر يا أخويا ذاكر ... تعرف ياواد ..

ندرن عليا يوم ماتنجح لأكون رايحه خاطبالك عبير بت رئيسه ....

دى إيه ياواد .. أدب وأخلاق ..وعلام كمان

- ياستي عبير دي معاها أعدادية

- وماله يابني ... الراجل مايعبهوش إلا جيبه

- راجل ... راجل مين ياستي ... عبير دي بنت

- عبير ... عبير مين ياوله .. أنته بتعرف بنات من ورانا

- لا إله إلا الله .... أبوس رجلك ياستي أرحميني بقه

- طب ذاكر .... ذاكر كتك نيله وأنته طالع براوي كده زى أمك....

قطعت وقطعت سيرتها...أنامش عارفه أبوك كان أجوزها على إيه..

حكم...قال لبس البوصة تبقى عروسة..

بس واللى نبى النبي نبي لكون مبوظه الخطوبة دي ومجوزاه أنيسة بت أختى

( كده فللل ع الآخرر )

- ياستي خطوبة إيه ..أبويا مجوز أمي من خمسة وعشرين سنة ..

وبعدين أنيسة دى بنت أخوك مش بنت أختك ..

وأساسا إنتي ملكيش إخوات بنات

- صحيح ياوله ..أنته عندك حق أنا مليش إخوات بنات..

(أصلي أنا أمي ماكنتش بتخلف صبيان)

- حرااااااااااااا ااااااااااااااا اااااام ............ستي ماتطلعي البلكونة شويه ...ده الهوا حلو بره

- لأ ياخويا....فى جدع كده حليوه وشعره مسبسب في البلكونه اللي

(في الوش بيقعد يعاكسني)

- خلاص روحى المطبخ ... أهو زمان أمي خلصت الرز

- رز...رز إيه يابنى....هوأنا ليه سنان للمكرونه...أناهطلع البلكونه أحسن (ههههه)

- طب أبقي خلي بالك م الهوى ياستي


- هوى لما يلطشك يا بت يا جذمه انتي


- الحمد لله أخيرا خرجت وقدرت أذاكر ..

ياترى أنا كان إسمي إيه؟؟

ياترى كان إسمي إيه؟؟

انا مين انا ليييييييه انا ازااااااي !!!

*
*
*
*

ههههههههههههههه

طبعاً العملية فللل طحن يعني





منقول طبعا

[lionking]

هههههههههههههههههههههههههههههههههههههههههههههههههه ههه

بجد حلو اوى اوى اوى ضحكت فعلااا

فكرتنى بالست (أطاطا) نفس اللسعان والتوهااااااااااااان

تسلم ايدك يا ابو تريكة

وتفرحنا كده علطول

[اميرة حبى انا]

تسلم ايدك ياعثل

[الباشا تلميذ]

هههههههههههههههههههههههه
حكايه فل اوى وفى الضياع على الاخر
هههههههههههههههههههههههههههههههههه
:d:d:d:d:d

[خلود]

جميله ياابو تريكه دى كانت ماتت وطالعه من التربه تتهوى ؟؟؟؟؟؟؟؟:d:d