المسابقة الجديدة نوفمبر 2010 ( اشحن رصيدك مجاناً )

[محمود التهامي]

السلام عليكم ورحمة الله وبركاته

ازيـكـــم

عاملين ايـه

المرة دي جايبلكم مسابقة اعتقد هتعجب ناس كتير قوي
واحلى حاجه فيها انها بتنمي روح التعاون
وفيها تنافس جميل ومشجع جدا
والهدايا كمان هترضي كل الأزواق
نبتدي بإيه
الجوايز وللا المسابقة



نجيب م الآخر
ونعلن الجوايز
الجوايز هتكون
كروت شحن للموبايل عشان نعيد بيها على اصحابنا



وألقاب مخصوصة تحت اسم كل واحد من الفايزين


وشهادات تقدير


مش بس كدا
لأ كمان واحد منهم هيفوز بالاشراف على أي قسم مناسب له لمدة شهر كامل


نيجي بقا للمسابقة
أولا الاشتراك
الاشتراك هيكون في شكل فرق
يعني مش كل واحد يشترك لوحده
لأ كل واحد يجيب معاه اتنين صحابه ويعملوا فريق
يعني كل فريق هيكون مكون من 3 أعضاء

بشرط انه ميكنش فيهم اكتر من مشرف
يعني ميجيش اتنين مشرفين يجيبو معاهم عضو ويعملو فريق
لكن ممكن مشرف واتنين اعضاء او 3 اعضاء
تمام كدا

لأ مش تمام
اكيد حد هيقول أنا عايز العب لوحدي
الاجابة هتكون لأ مينفعش تلعب لوحدك
لازم يكون معاك عضوين تاني

وطبعا كل فريق هيختار لنفسه اسم و شعار

دا الاشتراك

طيب هيشتركو في ايه بقا

هيكون مطلوب منهم يضيفو للمنتدى 750 موضوع خلال مدة المسابقة اللي هي 10 أيام
بسيطة خالص اهي


طيب لو فريقين اضافو اكتر من الـ 750 نعمل ايه
الاكتر فيهم هو الكسبان يعني لو فريق حط 800 وفريق 850 يبقا ال850 هو الكسبان
مع العلم
ان كل اللي هيحط ال 750 هيكون فايز برضه
والاختلاف الوحيد هيكون في الجوايز



الفريق الفائز بالمركز الاول
هيفوز بـ 3 كروت شحن + تغيير اللقب بشعار الفريق + شهادة تقدير باسم الفريق


الفريق الفائز بالمركز الثاني
هيفوز بـ شهادة تقدير باسم الفريق + تغيير اللقب بشعار الفريق


الجايزة الثالثة بقا
هتكون لعضو واحد وهو هيكون العضو المميز بين كل الفرق
ودا طبعا هيكون العضو اللي حط اكبر عدد من المواضيع بين كل الفرق
وهيفوز بـ كارت شحن + شهادة تقدير + اشراف على اي قسم من اختياره يكون مناسب له او يختار احد الاعضاء المميزين في حاله انشغاله


وباقي المشتركين هيفوزو بأوسمة تقديرية

تقديرا لاشتراكهم في المسابقة



ها ايه كمان


ملحوظة
المواضيع لازم تكون منسقة ومظبوطة
يعني اي موضوع مش منسق
هيتم تجاهله من الحساب
وهيتخصم موضوعين كجزاء
أي موضوع فيه روابط لمواقع تانيه
هيتم تجاهله من الحساب
وهيتخصم موضوع واحد كجزاء
أي موضوع عبارة عن اجزاء او متقسم لمجرد انه يبقا اكتر من موضوع
هيتم تجاهله من الحساب
وهيتخصم موضوعين كجزاء
أي موضوع في قسم غير مناسب
هيتم تجاهله من الحساب
وهيتخصم موضوع واحد كجزاء
أي موضوع مكرر
هيتم تجاهله من الحساب




الموضوع مفتوح للاستفسارات والاشتراكات باسماء الفرق والأعضاء لمدة 5 أيام

وبعدها ( يعني من بداية يوم الجمعة 5 / 11 / 2010 )
نبتدي المسابقة ان شاء الله
ولمدة عشـــرة أيـــــام يعني اخر يوم يتحط فيه مواضيع تبع المسابقة يكون يوم الأحد 14 / 11 / 2010

[fagrmasr01]

الله ينور عليك يا مدير
ياللا مين من الأعضاء هايكون معايا فريق الفجر الساطع ؟

[رامى شعبان حسن]

دا كلام جميل بس المواضيع هتكون عن ايه وانضموا الى فريق نور الهدى

[محمود التهامي]

نورت الموضوع والمسابقة يا عم جمال

وبكدا يبقا عندنا اول اشتراك وهو بفريق الفجر الساطع
بس ياريت حضرتك تشوف باقي اعضاء الفريق بسرعه


وكل فريق بعد كدا يشترك كفريق كامل
يعني يتفقوا الاول برسايل خاصة مثلا
او حتى بموضوع يطلب فيه تكوين فريق - في قسم اخبار الموقع -

ويتفضل احد اعضاء الفريق بالاشتراك في المسابقة
مع توضيح اسم الفريق واعضاءه
وكل واحد منهم يحط اسم الفريق في توقيعه بشكل وطريقة موحدة

[fagrmasr01]

شكرا على التوضيح
ادعيلى الاقى اعضاء اليومين دول الاعضاء عملة نادرة
وسامحنى على استغلال الصفحة هنا للاعلان
العضو اللى هايشترك معايا هاديلو جايزة