رساله لكم يااجمل اخوات
ازيكم يااغلى اعضاء
انا جايه احكى لكم حكايه صغيره وارجوكم تستحملونى شويه
كان ياماكان ياسعد ياكرام وما يحلا الكلام الابذكرالنبى عليه الصلاه والسلام
كان فى اتنين اصحاب مرتبطين ببعض اوى وكانت ميولهم وافكارهم قريبه من بعض اوى سمعوا عن مكان على النت بيسموه منتدى ولان كان عندهم وقت فراغ حبوا يدخلوا يقضوا وقت فراغهم فى المنتدى ده ويستفيدوا من المواضيع والنقاشات مع كل اللى فى المنتدى
دخلوا المنتدى ده وكانوا من اوائل اللى اشتركوا فيه قضوا عليه اوقات كبيره اوى حبوه اوى بكل قسم فيه وكل موضوع خد من وقتهم كتير بعد ما كانوا بيدخلوا اوقات فراغهم اصبحوا من عشقهم له اوقات كتيره يسيبوا اللى وراهم ويجروا عليه
كانوا يفتحوا عنيهم عليه وقبل ما يناموا لازم يشوفوا هو عامل ازاى ده غير طول النهار داخلين خارجين يقروا موضوع موضوع ورد رد ويفرحوا اوى لو المنتدى ده اتقدم خطوه واحده ويزعلوا لما يلاقوه متاخر شويه فى الترتيب
ده بالنسبه للمنتدى اما الاعضاء بقى حصل بينا وبينهم ترابط فظيع حبيناهم وحبونا اعتبرناهم اخوات لنا رغم اختلافنا احيانا فى الاراءوخناقات وزعل بس برضو كنا ولسه بنحبهم رغم بعدهم
المنتدى ده دخله ناس كتير وخرج منه ناس كتير ورجعوا ناس وغابوا ناس والاتنين دول لسه بيحبوه ومش قادرين يسيبوه
ياما ناس زعلت من مواضيع ومشيت علشان مش عاجبهم راى التانى وكنا بنصالحهم ونكلمهم ونرجعهم وده لاننا بنحبهم وهما كمان بيحبو المكان ده بيرحعوا بسرعه اوى وهما اصلا مش بيبعدوا هما بيبقى صعبان عليهم بس وانا شخصيا متاكده انهم بيدخلوا زوار
طولت عليكم
معلشى استحملونى
انا اصلى بقالى كتير نفسى احكى لكم واتمنى تسمعونى بجد
من قريب كده المنتدى ده فضى من ناسه بقى عامل زى البيت المهجور العنكبوت ملا كل اركانه
كنت بدخل الصبح وبالليل والضهر والعصر ادور على حد معاى مش لاقيه
بقيت اقول دار يادار راحوا فين حبايب الدار
زهقت اتضايقت اعصابى تعبت
صممت وقلت لازم احاول واحاول ارجع اللى اعرف اوصل له وابتديت فعلا وبعت للى عرفت ابعت له فيس او ايميل
ولقيت استجابه من ناس وبالفعل فى ناس رجعت لوحدها زى ما قلت من حبهم للمكان ولاحساسهم بالدفا فيه
دفا بيت العيله اللى بيجوا يتلموا فيه اللى ياما شاف افراح لهم واحزان وياما شاف لحظات ضحك ولعب وهزار وخناق
ياما جرينا وراء بعض بالنقاش والخلاف واللعب ياما شفنا فيه ايام جميله وايام صعبه
خلاص قربت اخلص
النهارده وبعد كل اللى قلته لكم ده فى ناس من اجمل واعظم وافضل الشخصيات رجعت المنتدى
جايه لهم برساله من قلبى بقولها لهم
بلاش بلاش وبحلفهم باغلى حاجه عندهم
بلاش تبعدوا تانى
بلاش تمشوا تانى
بلاش تسيبوا اختلافكم فى الراى يبعدكم عننا تانى
بلاش نسيب تعصبنا لمبدا معين او فكر واتجاه معين يزعلنا من اصحابنا
جايه اقولكم كل الناس بتختلف فى البيت والشارع والعمل وفى المترو والاتوبيس
كل واحد له راى لازم نسمعه ونناقشه ونرضى بيه بس من غير ما نزعل من بعض
نعرف ان فى الاول وفى الاخر احنا احباب فى الله وبنحب المكان ده اوى ومش عايزينه يرجع مهجور تانى
واحد بس هيغيب هيرجع المنتدى تانى يسد النفس ودمه تقيلا
استحلفكم بالله انا ما صدقت ترجعوا تانى والدنيا تنور تانى
بتمنى مدخلش تانى الاقى نفسى لوحدى تانى انا وصاحبتى اللى هى اميره صديقتى واختى
حكايتى خلصت وبتمنى متكونوش زهقتوا منى وبتمنى تقروا الموضوع بقلبكم
موضوع أتمنى أن تقرؤه بقلوبكم ..
وأن تجعلوا العطاء ..
وروداً .. تزهر بها .. دروبكم
ودمتم
رد مع اقتباس
رد: رساله لكم يااجمل اخوات
المفضلات