اااااااااااااااااااااااااااااه انا خلاص اعصابى تعبت بجد ياناس

**nogafoda** · 07-05-2011, 11:07 AM

انتم نسيتو ا حاجه مهمه الناس الي مش شغاله
دول كمان قنبله موقوته
الي كانو بيشتغلو وعايشين باليوميه
وطبعا دلوقت مفيش شغل
اكيد قريب هينضمو لقائمه العاطلين وبعدها بشويه للبلطجيه
وبعدين للمجرمين والمسجلين خطر
وطبعا لو الشرطه قامت بدورها معاهم هنعمل مظاهره ونقول قمع
والله يا استاذ محمود انا خايفه يجي يوم ولادي يسالوني السوال ده
يعني ايه مصر؟؟؟؟؟؟؟؟؟؟؟

**الرومنسى** · 07-05-2011, 12:37 PM

يا ناس
شئ وانتهى الى حد ما
لازم نتكلم مطلوب ايه
وهدفنا ايه
وننشر بين جيرنا واصحابنا
واللى معانا فى الشغل
لازم نقف أيد واحدة
ضد اللى بيجرى
كانا بنقول فساد قبل كدا
انتهى
وبقينا بنقول بلطجية
لازم يبقى فيه الزام على الجميع
سياسات تتحرك ونشوفها بعنينا
لازم يبقى فيه شرطة
لازم ولازم

**AFIFI MOSTAFA** · 07-05-2011, 03:19 PM

انا مش معاكى خالص يا خلود
اليوم احلى من امس وغدا احلى منهما
احنا يدوب بقالنا 100 يوم على الثورة واكيد فى ثورة مضادة وبسببها الشرطة مش قايمة بدورها كويس
انا شايف المستقبل ان شاء الله هيبقى احسن بكتير المهم كلنا يبقى عايز كدا
وياريت كل واحد فينا وهو بيصلى يدعى لمصر دى اقل حاجة عشانها

**خلود** · 07-05-2011, 10:07 PM

اشكركم جميعا على المشاركات الجميله دى والردود والمناقشات الرائعه
و ياعفيفى والله بندعى بس اللى بيحصل ده فوق قدراتنا على الفهم والاستيعاب

طيب لحد ايمتى السلفيين والمسيحين يتخانقوا سوا مش هما برضو يعرفوا ان دى ثوره ويتعاملوا معاها

لحد ايمتى الناس سابت اكبر نجاح اتحقق من خلال الثوره دى وهى اسقاط النظام وعمالين يدورا على مطالبهم هما وبس

طيب وليه لسه فيه مؤيدين للنظام طالما شايفين وسمعوا كل البلاوى دى عنه وعن عيلته

طيب وبعدين لسه فيه تانى

ايمتى هيحصل استقرار
عمالين يقولوا المخزون خلص ومافيش انتاج

مش عارفه بس بجد هى بقت حاجه تزهق

ربنا يعديها على خير بقى ونجتاز المرحله دى على خير يارب