جوايا انا .. نجمة فى انسان
مهما هحكى عن جمالك ، عن دلالك
مش هلاقى ف يوم كلام يوصف كلامى
ومهما كنت بقلمى ميدع فى خيالك
مفيش مشاعر توصفك يانجوم أحلامى
انتى اللى رمش عينيكى الفين قصيدة
وفى كل ثانية ف طلعتك بسمات جديدة
والرقة فى نظرات عينيكى احلام سعيدة
ياما نفسى ليلة اوصفك لجميع الناس
لكن مفيش لسه قلم يوصف احساس
ف يوم وصالك واتصالك تتولد
الفين مولود لالا لا الفين بلد
يا فرحة للروح يا بهجة للكبد
يا مفرحة قلبى الحزين
يا منورة ف كل السنين
ياساحرة قلبى ويا العين
لكن انتى فين .. وانا فين
انتى هناك فوق ف السما نجمة بتضوى منورة الاكوان
وانا لما اشوفك باحس انك جوايا انا .. نجمة فى انسان
وانى فى قلبك باتولد ..وانتى معايا .. بتشكلى الوجدان
رد مع اقتباس
المفضلات