اضحك كركر .. اوعى تفكر

[fagrmasr01]

بمناسبة ان كل احبابى هنا بيقولوا لى كل شوية .. اطلع من حزنك يا جمال افندى .. اطلع من حزنك يا جمال افندى

قوم ايه ...

قلت احاول إنى أغير
يمكن يوم صحيح أتغير

وقلت انقل لكوا نكتتين يمكن تضحكوا معايا

بس محدش يرجع بئه ويقول لى .. نكتك بايخة يا جمال افندى .. واللا يقول لى .. لا ياعم .. ارجع لحزنك يا جمال افندى

منقولين طبعا

ممرضة دخلت امتحان في الاسعافات الاولية فسألتها المشرفة هتعملى ايه لو ابنك بلع مفتاح الشقة ؟ ... ردت الممرضة : طبعا هاخرج م الشباك .


واحد غلس راح سينما فاضية مفيهاش غير واحد بس . قام رايح وقاعد وراه وقال له .. وطى راسك شوية مش شايف

أب سأل إبنه .. هو انتوا أخذتوا الضرب فى الرياضيات
الولد بسرعة رد عليه وقال له : ايوه يا بابا ، خذنا الضرب فى الرياضيات وفى التاريخ والجغرافيا وف كل المواد

[fagrmasr01]

منقول برضه

علشان تتشجعوا وتشاركوا فى اضحك كركر
انقل لكم كمان كام نكتة
وأتمنى تعجبكم

مرة واحد مسطول مروح البيت وبقالو ساعة مش عارف يفتح الباب مراتة من البلكونة بتقولو ارميلك المفتاح قالها لا المفتاح معاية ارميلى الباب


ظابط مسك واحد مسطول بالليل كان معاه حشيش سأله انت بتشرب حشيش؟ قاله ايوه يا باشا، وبتاجر فيه كمان؟ قاله ايوه ، تاني يوم اتعرض على النيابة سأله وكيل النيابة انت بتشرب حشيش؟ قاله لا يا بيه، طب بتاجر فيه؟ قاله لا يا بيه قاله ليه قلت للظابط كده؟ قاله كنت مسطول يا بيه


واحد بيروح بيتة كل يوم سكران قام من النوم الصبح وقال لمراتة انتى يا ولية كل يوم تسيبى نور أوضة النوم منور ليه ؟؟
مراته ردت عليه : انت اللى كل يوم بتخش الثلاجة



واحد بخيل اوى جدا خالص .. لما اتجوز ........ قضى شهر العسل لوحده

محدش بقى يرجع ويندم انه قال لى ان لازم اطلع من الاحزان


هههههههههه

[خلود]

ههههههههههه

لا والله حلوين استاذ جمال ومش هتبقى الحياه كلها احزان

ثم ان حضرتك مش كل كتاباتك احزان يعنى

التغيير مطلوب فى بعض الاحيان

[الامير عماد]

هههههههههههههههههههههههههههههههههههههههههههههه


لا جامدين والله اووووووي

أب سأل إبنه .. هو انتوا أخذتوا الضرب فى الرياضيات
الولد بسرعة رد عليه وقال له : ايوه يا بابا ، خذنا الضرب فى الرياضيات وفى التاريخ والجغرافيا وف كل المواد


قالها لا المفتاح معاية ارميلى الباب

قاله كنت مسطول يا بيه

[fagrmasr01]

خلود.. نورتى بجد
انا سعيد اوى انها عجبتك
ربنا يملا حياتكم بالسعادة يارب