موضوع له جاذبيته

[خلود]

السلام عليكم ورحمة الله وبركاته

تعالوا نفكر كدة شوية ونشوف مين ممكن يجذب القارئ اكتر الموضوع ام صاحب الموضوع؟

عندما نتابع موضوع لشخص ما ويعجبنا طرحه وفكره

عندما نرى فكره وإتجاهه من خلال كتاباته

عندما تتبين لنا أخلاقه من مواضيعه وردوده

أشخاص لا نعرفهمـ

لم نراهمـ

ولمـ نسمع أصواتهمـ

لمـ نحاورهمـ إلا أمام الملأ

لمـ نشاكسهمـ

قرأنا حروفهمـ فلامست فينا حقيقة لمـ نكن ندركها

ننتظر أقلامهمـ بشغف كي نرد عليها بشفافية

لسنا ضعفـــــاء ولكن قلوبنا لامست قلما فأنجذب له

حينها فقط يصبح القلمـ سلاح يغزو حياة الطرف الأخر

حين يخفق القلب لقلمـ شخص
حين ينبض القلب بحب قلمـ
هـــــل ممكن أن نميل للقلمـ ؟

وهل من الممكن نميل للشخص بسبب قلمهـ ؟

هل من الممكن أن نصل إلى درجة الإفتتان بالفكر أو الأسلوب ؟

وهل يتحول الإحترام والإعجاب إلى إنجذاب ؟

متى تخرج المشاعر عن السيطرة ؟

ما السبب في ذلك ؟

وهل هذا خطــأ ؟

ومن يتحمل الخطـأ ؟

من يجذبنا أكثر الموضوع أم صاحب الموضوع؟؟؟


تحياتى تعطر صفحاتى

[fagrmasr01]

من أهم وأجمل ما قرأت لاننى أحسست انه يخاطب ما فى نفسى
بصراحة الموضوع يحتاج لمناقشة موسعة مستفيضة
ويجب ان تكون مناقشة غير متحيزة ولا متعصبة
انا شخصياً انجذبت وبشدة وبإحساس عميق الى قلم
بل وأحسست فيه بالعقل
والصدق
والنضج
والحنان
ووجدتنى أدخل الى ما يكتبه بشغف حقيقى
وأنتظر ردوده بلهفة كبيرة
وأفرح عندما أشعر انه يخاطبنى
ولو مستتراً
أو لو اننى فقط أحسست به يخاطبنى ولو انى حتى احسست اننى متوهماً
احسست أنى أحيا مع هذا القلم حباً جارفاً
حباً يمتلك منى جزء كبير من الوجدان
وأثار فى نفسى شجون

وعندما لا يرد هذا القلم على ما أكتبه اليه .. أصاب بإحباط
وتعترينى حالة حزن عميق ومؤثر جدا فى نفسيتى
ووصلت الى درجة الغيرة عليه
عندما أراه يكتب لغيرى بنفس طريقة كتابته لى

لم تكن تلك حالة حب وجدانى
لم يدخل فيها اى خروج عن الإطار العام للاحترام الحقيقى
والاعجاب الشخصى جدا
كأنه توأم لروحى

افرح لما أطمئن عليه .. ولو من خلال مجرد تواجده
وأحزن لما يخاصمنى .. ولو من خلال إهماله لما أكتب ..
او إهماله لى فى ان يشعرنى فى ردوده على ما أكتب
بأننى لست كباقى من يكتب لهم أو يرد عليهم
وأقر بأننى بهذا الشعور أشحن طاقات بطاريات عمرى الروحية والنفسية
بدون أخطاء
وبدون ذنوب
فهو ليس حب الجسد
وليس تطلعاً الى إمتلاك
إنه وبصراحة ولست أشعر بالحرج وأنا أقولها
بل أشعر بأن روحى هى التى تكتب اليه الان
إنه حب الروح
وادعو معى الى الله تعالى أن يحفظ لى هذا القلم .. رمز الحب فى عمرى
لاحظوا انى مش شاب مراهق انا 55 سنة لكن .. أقدر أقول عن نفسى انى
أننى بحبى لهذا القلم أصبحت مشروع شاعر او محاولة شاعر
عفواً للإطالة ولكنه موضوع لامس شغاف قلبى واثار فى نفسى الشجون
شكراً جزيلاً يا رائعة المنتدى
بارك الله فيكى خلود

[خلود]

شكر استاذى الفاضل

بالنسبه لى انا بقى هو انا يعنى ماليش حق اقول رائى ولا ايه

مش علشان انا حاطه الموضوع

انا اتشديت لقلم اميره ورومانسيتها وافكارها وغلاستها احيانا

وقلم نصل الهوى وخفه دمه اللى بنشوفها فى ردوده

وقلم جمال واشعاره وخواطره الجميله

وقلم مدير المنتدى وعقله الكبير وحسيت فى اوقات انه زى ابوى رغم صغر سنه

وقلم الباشا وحكمه ومواضيعه الدينيه الجميله

وطبعا ابراهيم البشبيشى واشعاره ومرحه الواضح فى ردود كتيره

يعنى مش عارفه كتير كتير ام الاء طبعا وام ليلى وليون والفارس وكل اللى هنا اتشديت لهم بجد

خايفه انسى حد ويزعل منى بس بجد بحبكم كلكم اوى اوى

[اميرة حبى انا]

بصى ياحاجة
الموضوع مش موضوع انجذاب لحد
دى مواضيه بتتكتب
وبتعبر غالبا ومش دايما عن صاحبها
بتعجبنا وبنرد عليها
وبالتالى بنتعرف شوية على شخصة اللى كاتبها
ومش دايما اللى بنفهمه صح
ممكن نفهم الاول غلط على فكرة
المهم هو فى الاول والاخر اعجاب بالموضوع
متهيألى يعنى

[خلود]

شكرا اميره عى ردك وفعلا هو بيبقى اعجاب بالموضوع فى الاول وبعد كده بأفكار عارض الموضوع وطريقته فى العرض

واشكرك ياامشرفتنا الغاليه

ونشوف باقى الاراء ؟؟؟؟؟؟؟؟؟؟؟؟