نفسك تموت !!! طيب عاوز تموت إزاي ؟؟؟

[محمود التهامي]

نفسك تموت !!!
طيب عايز تموت إزاي ؟ ؟؟

عاوز تموت شهيد ؟
ياتركب طياره............ ... ياتركب عباره


عاوز تموت م الجوع ؟
ياتشترى شقه............ ....ياتشترى عربيه بالقسط


عاوز تموت م الحسره ؟
ياتتفرج ع الفاترينات فى ستى ستارز.....ياتروح زياره لمارينا


عاوز تموت م الغيظ ؟
ياتتفرج ع القنوات المحليه......... ياتتفرج ع النشره الجويه


عاوز تموت م الزهق ؟
ياتستنى الأشاره لما تفتح .... ياتستنى دورك فى الطابور فى
التأمين الصحى


عاوز تموت م الهبل ؟
يا تخش ع النت .......... ياتسمع نجوم الأف أم


عاوز تموت مخنوق ؟
ياتروح مصلحه حكوميه ......... ياتقرا الجريده اليومية


عاوز تموت مفروووس ؟
ياتركب تاكسى ............ ياتركب دش


عاوز تموت مرعوووووب ؟
ياتستنى نتيجه الثانويه العامه ....... ياتستنى نتيجه التحاليل عند
الدكتور


عاوز تموت مشهور ؟
ياتتجوز رقاصه ............ ياتنصب على بنك


عاوز تموت مليونير ؟
ياتعمل فيديو كليب............ . ياتلعب كوره


عاوز تموت ورا الشمس ؟
ياتشغل مخك ............ ياتفتح بؤك


عاوز تموت منكد ؟

ياترشح نفسك فى الأنتخابات ....... ياتخش ف أتفاقيه الجات




عاوز تموت م الحزن ؟
ياتفكر دايما ف أحوالك .......... ياتحط الحكومه ف بالك




عاوز تموت م الضحك ؟
ياتتجوز أتنين ......... ياتشتغل مع المجانين




عاوز تموت ف حالك ؟
أعمل نفسك دايما مش واخد بالك

[خلود]

ههههههههههههههه

تعددت الاسباب والموت واحد

[محمود التهامي]

شوفتي الموزة دي
صعبانة عليا قوي
إهيء إهيء إهيء

[اميرة حبى انا]

كان طعمها حلو اوى
والعزا فين ان شاء الله
بس انا ياعمو عايزة اموت وانا نايمة كده محسش بحاجة
ربنا يستر

[محمود التهامي]

عايزة تموت وانتي نايمة

اتفرجي على ميلودي أفلام
ههههههههههه