يمكن مش صادقة في احساسي معاك
او عندي خيبة امل فيك

يمكن مش واثقة ان الي انا فيه حب
ولا من سعادتي وياك
حاسة انها وهمية

كل الي اقدر اقولو اسفة خيبة ظنك فيا

كان ممكن اختار اماني معاك وحياتي في قربك
بس اخترت ابعد عشان اعيش وتموت انت بحرقة فراقي

مش دايما بيقولو كل واحد بيختار مصيرو بايدو
يمكن مبعرفش اختار مصيري بتغرني حكيات الحب وجنون العشق

يمكن مبعرفش احدد الي بحبو والي مش عايزاه
معاك نسيت اتعلم ازاي يكون ليا كيان

كنت انت تختار وانا اوافق واقول سمعا وطاعة
كنت انت توديني وترجعني وانا من اسعد نساء الارض معاك

كنت انت كل حاجة الناس والهوا والوطن
بس اتخنقت

اتخنقت ان حياتي كلها بتدور حواليك
كوني كلو انت
ناسي انت
اصحابي انت
حتى في احلامي مفيس غيرك انت

نسيت انا مين والمفروض اكون ايه
نسيت حياتي معاك ورسمت حياة تانية محبيتهاش

حتى اكلي وشربي ونومي وهدومي
كلها زي منت بتحب
وقلت زي محنا بنحب

بس كدبت ع نفسي

حاولت والله حاولت

بس مقدرتش

اتخنقت من كوني في حياتك الاهم والاحسن والافضل

زهقت من اسئلة العالم عني فيك

كرهت حياتي ومحورها وهدوئها وسكونها

يمكن انا غلط
ويمكن انا صح

بس الاكيد اني مش عايزة اكمل قصتي معاك

حابة امشي طريفي لوحدي
واختار حياتي بايدي

بكل تفاصيلها هختارها بايدي انا
مش بايد حد تاني
يقولو عليه

حبيب

-

رؤية

ايميليا

21-1-2012
الساعة 3.15ظ







منقول