لو حكيت يوم عن وداعى .. او عن غياب ممكن يطول
اوعى تظن أوافق عنك ابعد .. او عقلى عنك مشغول
انا جايز اسيبك ف طريقك
وانا كنت حبيبك و صديقك
وهأعيش افراحك تسعدنى
وأدعى لربى يفرج ضيقك
حبيتك بضميرى وقلبى .. عشت معاك أجمل أيام
وسعادتك كانت على دربى عشنا وحققنا الأحلام
كنت افرح إن شفت البسمة فى جبينك بتزيد النور
وأدعيلك ليلى مع نهارى يوهبلك فرحة مع سرور
وأتمنى لو أكون لك ضحكة اوهبلك بالعمر زهور
لكن انت حددت طريقك .. تركتنى حزين مقهور
قادر ربى يسعد قلبك .. بحق أحزانى انا عليكى
وينور لك دايماً دربك .. وللخيرات ربنا يهديكى
وسعادتك تملا أيامك .. بالأفراح دايماً حواليكى
تحققى أسعد أحلامك .. ياخد من سعدى ويديكى
مش راح اقول لك افتكرينى لأن الذكرى بتوجع
ولا هاحكى جرحى وأنينى .. أو عينى هاتدمع
راح أغنى لحنك وحدانى .. ونجومى هاتسمع
واوهب لك أجمل ألحانى .. وشـموعى بتولع
وهاعيش وأتحول أغنية عن عشق الأحزان
والدنيا تغنى مواويلى .. عن الهجر بإحسان
ودموع المحروم توصفنى .. رمز الحرمان
المفضلات